________________
પ્રીતિ હોય તે એક એક કાંકરો રોજ લઈને આવે. કાંકરાનો થઈ ગયો ઢગલો. સંન્યાસી તે ઢગ પર જઈને બેઠા. લોકોથી દૂરી થઈ ગઈ.
હવે લોકો ઉપદેશ માટે કહી રહ્યા છે. થોડી થોડી વારે લોકોનું આવવું અને ઉપદેશ માટે વિનવ્યા કરવું. તેનોય રસ્તો કાઢ્યો. કાંકરિયા બાબા કહેવા લાગ્યા : ‘કર, કર, કર...' શો અર્થ આનો ? લોકોનું આવવાનું ઓછું થઈ ગયું.
સિદ્ધને અને સાધકને જનસંગથી દૂર રહેવું ગમે છે કારણ કે તેઓ હોય છે પરમચેતનાના સંપર્કમાં.
પરમચેતનાના સાંનિધ્યમાં રહેલા સદ્ગુરુ. તો, ગુરુના સાંનિધ્યમાં રહેવાનો અર્થ આપણા માટે દ્વિવિધ સાંનિધ્યમાં હોવાનો છે.
ગુરુના પવિત્ર શરીરમાંથી પણ ઝળકે છે તો ‘એ’ જ. એટલે, ‘વિદે ગુરું સા’ના ઉત્તરાધ્યયન સૂત્રનો અર્થ થાય ગુરુ દ્વારા પરમચેતનાનો સંપર્ક. ઝરૂખામાં ઊભા રહીને થયેલ અસીમ આકાશનો સ્પર્શ.
સિદ્ધ, સાધક અને અસાધક. ત્રણ સ્તર છે. આપણે ક્યાં આમાં ? સિદ્ધ તો નથી આપણે. સાધક છીએ આપણે ? તો, પરમસ્પર્શની ઘટનાની નજીક આપણે હોઈ શકીએ.
એક બહુ મઝાનો પેટાપ્રશ્ન થઈ શકે : સાધક હોઈએ આપણે, તો થોડા સમય માટેના સાધક છીએ કે પૂર્ણ સમયના ?
સમાધિ શતક
૧૭૧
