________________
ગુરુ એમ કહેવા માગતા હતા કે જો આત્માનુભૂતિ એ હીરો છે, અને એ અંદર જ છે; તો એને પામવા માટે બહિરાકાશમાં નિસરણી ક્યાં લગાવવાની છે ?
આ પૃષ્ઠભૂ પર કડીને જોઈએ :
દિશિ દાખી નવિ ડગ ભરે,
નય પ્રમાણ પદ કોડિ;
સંગ ચલે શિવપુર લગે,
અનુભવ આતમ જોડિ...
નયને વર્ણવતાં કે પ્રમાણને વર્ણવતાં શાસ્ત્રોનાં કરોડો પદો પણ તમને આત્માનુભૂતિની દિશામાં એકાદ ડગ પણ નહિ ભરાવી શકે.. હા, ‘સૂચનાત્ શાસ્ત્રમ્' એ ન્યાયે શાસ્ત્રો આત્માનુભૂતિની દિશાને સૂચવી શકે, ઈંગિત કરી શકે; પણ એ સાથે ચાલશે નહિ. મોક્ષ તરફ સાથે ચાલશે માત્ર અનુભવ.
‘સંગ ચલે શિવપુર લગે.' મોક્ષ એટલે સંપૂર્ણ સ્વાનુભૂતિ. અત્યારે થશે” આંશિક આત્માનુભૂતિ. આ આત્માનુભૂતિ આગળ ને આગળ વધતી જશે...
સમાધિ શતક
૧૫૩
