Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
તો જમાલિ કે ગોશાળા જેવાની ભગવાને ઉપેક્ષા ન કરી હોત. કોઈ પણ સંયોગોમાં ગુરુને છોડવા નહિ, ગુરુ પરનું બહુમાન છોડવું નહિ. જો એ છુટી ગયું તો કોઈ કાળે મોક્ષ નહિ થાય. જો તમે ગુરુને છોડી દેશો તો તમને પણ તમારા શિષ્યો છોડી દેશે. અવ્યવસ્થાની પરંપરામાં તમે નિમિત્ત બનશો.
મૈત્રી : બીજાના હિતનો વિચાર.
અહીં સ્વહિતનો વિચાર ન લખ્યું.
પોતાની સુવિધા માટે જેટલો વિચાર આવે તેટલો વિચાર બીજા માટે આવે ત્યારે મૈત્રી જન્મે.
પ્રમોદ : બીજાના ગુણોને જોઈ રાજી થવું.
પોતાના ગુણોને જોઈને રાજી ઘણા થયા છીએ. માટે તો મોક્ષ નથી થયો.
કરુણા : બીજાના દુઃખ પર અનુકંપા.
પોતાના દુઃખ પર અનુકંપા ઘણી કરી છે. બીજાની ક્યારે કરી ?
મધ્યસ્થતા : નિર્ગુણો પ્રત્યે પણ તટસ્થતા, તિરસ્કાર નહિ. આનો અર્થ એ થયો કે બીજાના વિચારથી જ ધર્મનો જન્મ થાય છે. નિપટ સ્વાર્થવૃત્તિવાળા જીવો ધર્મના આરાધક બની શક્તા નથી.
સ્નાન કર્યા પછી ગૃહસ્થોમાં તાજગી આવે તેમ દેરાસરમાં જઈ ચૈત્યવંદન કર્યા પછી તાજગી આવવી જોઈએ, આનંદનો એક ઉલ્લાસ અનુભવાવો જોઈએ.
ભક્તિમાં ઉલ્લાસ વધે તેમ તેમ આત્માનુભૂતિની શક્તિ વધે. રોજ-રોજ ઉલ્લાસ વધવો જોઈએ. હવેથી ઉલ્લાસ વધારજો.
પુસ્તકો મોકલવા બદલ આભાર. ખૂબ જ સુંદર છે. આત્માને ઢંઢોળતા આવા પુસ્તકો બહાર પાડતા રહેજો. આપનું કાર્ય નિર્વિઘ્ને થાય એવી પ્રાર્થના. · આચાર્ય જયશેખરસૂરિ ધારવાડ - હુબલી
કહે, કલાપૂર્ણસૂરિ-૩ * *
૧૯
