________________
છે, તે કેમ ?
પૂજ્યશ્રી ઃ જેમના જીવનમાં જ્ઞાન ન હોય તેમને આ રીતે સમજાવવું, પણ ક્રિયા ન હોય તેને બીજી રીતે સમજાવવું પડે.
પત્રમાં સરનામું લખો, પણ તે વ્યક્તિને પહોંચે જ નહિ તો તે પત્રની કિંમત કેટલી? ભગવાનનું નામ લઇએ ને ભગવાન સાથે આપણું જોડાણ ન થાય તો એ નામગ્રહણની કિંમત કેટલી? વિચારજો. નામ આદિ દ્વારા આખરે ભગવાન સાથે જોડાણ કરવાનું છે, એ ભૂલતા નહિ.
ભગના ૧૪ અર્થ છે, પણ અહીં ૬ અર્થમાં ભગ શબ્દ લેવાનો છે. ઐશ્વર્ય, રૂપ, યશ, લક્ષ્મી, ધર્મ અને પ્રયત્ન - આ છને ભગ કહેવાય. આ છએ જેમનામાં સર્વોત્કૃષ્ટ રૂપે હોય તે ભગવાન કહેવાય. ૧. ઐશ્વર્ય : ઈન્દ્ર જેવા દ્વારા ભગવાનની ભક્તિ તથા
અષ્ટ મહાપ્રાતિહાર્યાદિ ભગવાનનું એ
ઐશ્વર્ય છે. ૨. રૂપ: જગતભરના ત્રણેય કાળના ઈન્દ્રો પણ
ભગવાનના અંગૂઠા જેવું રૂપ પણ ન બનાવી શકે. કદાચ બનાવે તો ભગવાન પાસે કોલસા જેવું લાગે ! ભગવાનનું આવું રૂપ પણ ઉપકાર માટે જ હોય. એ જોવા સમ્યગ્દષ્ટિ જીવો પડાપડી કરે. અરે! એમની
મૂર્તિ જોઈને પણ ભક્તો પાગલ બને : “અમીય ભરી મૂર્તિ રચી રે, ઉપમા ન ઘટે કોય; શાન્ત સુધારસ ઝીલતી રે, નિરખત તૃપ્તિ ન હોય.”
- પૂ. આનંદઘનજી સંપ્રતિ મહારાજાના સમયના બિંબ જુઓ. મન નાચી ઊઠશે. ભગવાનની મૂર્તિ પણ આટલી મનોહર હોય તો ભગવાન કેવા હશે? ૩. યશ : દુનિયામાં એવી કોઈ વ્યક્તિ નથી, જેનો
યશ ભગવાનની તોલે આવે. રાગ-દ્વેષાદિ અંતરંગ શત્રુઓ જીતીને ભગવાને આ યશ
૨૪૦ * * * * * * * * * * * * કહે, કલાપૂર્ણસૂરિ-૩
