Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
આજ્ઞાંકિત ?
પૂજ્યશ્રીનો કેટલો પ્રભાવ ? તેઓ કહેતા : ખરેખર, કલિકાલના આ તો સ્થૂલભદ્ર છે !
પૂજ્યશ્રીને શિષ્યાદિની કોઈ તમન્ના ન્હોતી. તે માટે કોઈ પ્રયત્ન નથી કર્યો. પણ એમનું ધ્યાન રાખનાર ઉપરવાળા બેઠા છે ને ?
ગુલાબને કહેવું નથી પડતુંઃ ભમરાઓ! તમે આવજો. તળાવને કહેવું નથી પડતુંઃ માછલીઓ! તમે આવજો. યોગ્ય વ્યક્તિને યોગ્ય પાત્ર મળી જ રહે છે.
પૂજ્યશ્રી ભલે ક્યાંય ન્હોતા ગયા, પણ એમના સંયમની સુવાસ સર્વત્ર પ્રસરેલી હતી.
મારું અહીં આવવાનું કેમ થયું ? તે કહું?
દીક્ષાની ભાવના થયા પછી મેં સસરા મિશ્રીમલજીને જણાવ્યું. કારણ કે મા-બાપ વગેરે કોઈ વડીલ હતા નહિ.
સસરાએ કહ્યું : મારો પણ દીક્ષા લેવાનો જ વિચાર છે. વાગડવાળા પૂ. કનકસૂરિજીની પાસે લેવાનો વિચાર છે.
પણ મારી ઈચ્છા પૂ. રામચન્દ્રસૂરિજી પાસે દીક્ષા લેવાની હતી.
રાજનાંદગાંવમાં રહેલા પૂ. મુનિશ્રી રૂપવિજયજી પાસે આવતા પૂ. રામચન્દ્રસૂરિજીના જૈન પ્રવચનો વાંચીને મને વૈરાગ્ય થયેલો. ગુજરાતી જો કે હોતું આવડતું, તો પણ ભાવાર્થ સમજી લેતો. એ વાંચતાં સંસારની અસારતા મનમાં ઠસી ગઈ. સંસાર ભૂંડો છે, એવું વર્ણન કરવામાં ન આવે તો કોઈ એની નિર્ગુણતા ન સમજે.
દીક્ષાનો પ્રવાહ વધ્યો છે તે આ મહાપુરુષોનો પ્રભાવ છે. પૂ.સાગરજી મ., પૂ. રામચન્દ્રસૂરિજી વગેરે મહાપુરુષોનો પ્રભાવ છે.
એટલે મારો વિચાર પૂ. રામચન્દ્રસૂરિજી પાસે દીક્ષા લેવાનો હતો, પણ સસરાજીએ જ્યારે પોતાની ભાવના જણાવી ત્યારે હું પણ તેમાં સમ્મત થઈ ગયો.
હવે એ પણ બતાવુંતેમને પૂ. કનકસૂરિજી પાસે દીક્ષા લેવાની કેમ ભાવના થઈ ?
૨૫૦
* * * * * * * * # # # કહે, કલાપૂર્ણસૂરિ-૩
