________________
ઘણીવાર પ્રશ્ન થાય : મહામુનિઓને કેમ રોગ આવતા હશે ? પદ્મ વિ., કાન્તિ વિ. ભદ્રંકર વિ. વગેરેને રોગો આવેલા. આવું ઉત્તમ જીવન જીવનારને પણ આવા રોગો ?
કર્મો સમજે છે કે આ મહાત્માઓ મુક્તિના માર્ગે છે. મંઝિલ નિકટ છે. મુક્તિમાં અમારી પહોચ નથી. સ્વર્ગમાં સુખ સિવાય કાંઈ નથી. એટલે અત્યારે જ બધો હિસાબ ચૂકતે કરવા દો.
અજ્ઞાન લોકો ધર્મી લોકોને પડતા કષ્ટને જોઈને કહે : ધર્મીને ઘેર ધાડ પાડી ! પણ એમને કર્મોના હિસાબની ખબર નથી.
ઉત્તરાધ્યયનમાં એક સુંદર દૃષ્ટાંત આવે છે ?
ગાયને સૂકું અને બકરાને મજાનું લીલું ઘાસ અપાતું જોઈ નિરાશ થયેલા વાછરડાને ગાયે કહ્યું : ભોળા ! તને ખબર નથી. આ બકરો કસાઈ પાસે જશે ત્યારે બધી ખબર પડશે.
કસાઈ પાસે જતા-રડતા-કપાતા બકરાને જોઈને વાછરડું બધું સમજી ગયું ઃ અત્યારે મળતું સૂકું-સૂકું ઘાસ ભવિષ્ય માટે સારું છે. જ્યારે અત્યારે મળતા માલ-મલીદા ભાવિ માટે ભયંકર છે.
जे सारक्खाया ते तयक्खाया
जे तयक्खाया ते सारक्खाया રંગરાગ, મોજ-શોખ કરતા પાપી માણસોને જોઈ કદી વિચલિત નહિ બનતા, આજના રંગ-રાગ ભાવિની આગ છે. આજના વિરાગ ભાવિના બાગ છે.
કમળનો સ્વભાવ છેઃ જોતાં જ સૌને આનંદ થાય.
ભગવાનને જોતાં જ સૌને આનંદ આવે એમની મુદ્રા, એમની વાણી, એમનું અસ્તિત્વ સૌને આનંદની પ્રભાવના કરવાજ જન્મેલું હોય.
માટે જ ભગવાન “પુરિતવરપુંડરા ” છે.
૩૫૪
* * * * * * * * * * * * * કહે, કલાપૂર્ણસૂરિ-૩
