Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
ખીમઈબેનના ચારેય ભાઈઓએ જે ભોગ આપ્યો છે તે શબ્દોમાં કહી શકાય તેમ નથી.
અમને ઘણીવાર કહે : આ ધર્મશાળા યાત્રિકો માટે નહિ, પણ મહાત્માઓ માટે રાખવી છે. યાત્રિકો તો રોજ છે જ. મહાત્માઓનો લાભ મળે કયાંથી ? આટલું મોટું સ્થાન ન હોત તો અહીં શી રીતે રહેવાત ?
રાયશી લખધીર :
પૂર્વભવમાં અમે એવા પુણ્ય કર્યા હશે એના કારણે ખીમઈબેન જેવા માતા મળ્યાં. આમ તો તેઓ ખેતીવાડીનું કામ કરતા, પણ છતાં તેમણે અમને ધર્મ-સંસ્કારો આપવામાં કોઈ કમી રાખી નથી.
નવી મુંબઈ ખાતે જ્યારે પૂજ્યશ્રીએ પ્રથમ વખત પાલીતાણા ખાતેના ચાતુર્માસની વાત કરેલી ત્યારે અમે ભાવવિભોર બની ગયેલા.
ચૈત્ર સુદ-૪ના સોનાનો સૂરજ ઉગ્યો, જે દિવસે આ ધર્મશાળામાં પૂજ્યશ્રી સંઘ સાથે પધાર્યા. ધર્મશાળા પવિત્ર બની ગઈ. પછી તો ખૂબ જ શાનદાર અનુષ્ઠાનો થયા.
સાડા પાંચ મહિના સુધી પૂજ્યશ્રીનું સાનિધ્ય મળ્યું તે અમારું પુણ્ય છે. વાચના વખતે તો જાણે ભગવાન દેશના આપતા હોય તેવું લાગતું! આ હૉલમાં સર્વત્ર પૂજ્યશ્રીનો અવાજ આવતો. એ મેં પ્રત્યક્ષ જોયું છે.
જૈન સમાજમાં સર્વોત્કૃષ્ટ રૂપે દરેક સમુદાયવાળા જેમને જુએ છે, એવા પૂજ્યશ્રીનું સતત સાડા પાંચ મહિના સાનિધ્ય મળ્યું છે, તેનું અમને ગૌરવ છે.
ખૂબ જ કાળજી રાખવા છતાં વ્યવસ્થામાં કચાશ રહી હોય તો મિચ્છામિ દુક્કડમ્ યાચીએ છીએ.
માલશી લખધીરઃ
એક સાથે વાગડ સમુદાય રહી શકે, એવું સ્થાન કંઈક અંશે બન્યું તેનું ગૌરવ છે.
પાલીતાણામાં હો ત્યાં સુધી અહીં લક્ષ્ય રાખશો, એવી પૂજ્યશ્રીને વિનંતી છે.
૩૧૪
ર
ર
ર
જ
સ
ક
નો
એક
જ
ક
ક
જ !
