Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
છવાઈ ગયેલા. ગુપ્તરૂપે એટલા માટે કહું છું કે તેમણે પ્રસિદ્ધિમાટે કોઈ જ પ્રયત્ન કર્યો ન્હોતો, કોઈ છાપા વગેરેમાં ક્યારેય તેમની જાહેર ખબર આવતી ન્હોતી.
જેટલા તેમના ગુણો ગાઈશું, આપણામાં તેટલા ગુણો પ્રગટ થશે. દોષો બોલીએ તો દોષો આવે, ગુણો ગાઈએ તો ગુણો આવે. આપણે જોઈએ તે બોલવાનું છે. જેની ખરીદી કરવી હોય તે દુકાનમાં જાવને? માટે જ કુસંગની ના પાડી છે. ખરાબ પાડોશ હોય ત્યાં રહેવાની પણ ના પાડી છે. માર્ગાનુસારીમાં આ પણ એક ગુણ છે, તે જાણો છો? ભુજની વાણિયાવાડમાં તમે જાવ એટલે તમને બધા જૈનો જ જોવા મળે. ત્યાં કુસંગ જલ્દી ન આવી શકે.
હમણા અષાઢ વદ-૬ ના દિવસે પૂજ્ય દાદાશ્રી જીતવિજયજી મ.નું જીવન જોઈ ગયા. આજે તેમના જ પ્રશિષ્ય મહાપુરુષને યાદ કરવાના છે.
એમનું જીવન જ વ્યાખ્યાન હતું. એમને કશું કહેવાની જરૂર ન્હોતી રહેતી.
૧૯૩૯ ભા.વ.૫, પૂર્વ કચ્છના પલાંસવા ગામમાં ચંદ્રા નાનજીભાઈ - નવલબેનને ત્યાં એ મહાપુરુષનો જન્મ થયેલો. ગૃહસ્થપણાનું તેમનું નામ કાનજીભાઈ હતું.
એ જમાનામાં આંગળીના વેઢે ગણાય તેટલા જ સંવિગ્ન પૂ.સાધુ-સાધ્વીજીઓ હતા.
પૂ. પદ્મવિજયજીએ યતિ પરંપરા છોડી સંવેગી દીક્ષા સ્વીકારેલી. તેમના શિષ્ય તે પૂ. જીતવિજયજી મ. !
પૂ. જીતવિજયજી મહારાજના આજ્ઞાવર્તિની વિશુદ્ધ સંયમી પૂ. સા. આણંદશ્રીજીની નજરમાં પલાંસવાનો આ કાનજી વસી ગયો. વિનય-વ્યવહાર આદિ જોઈ ભાવિ શાસન-પ્રભાવક લાગ્યો.
હરિભદ્રસૂરિજીને તૈયાર કરનાર યાકિની મહત્તરા સાધ્વી હતાં. તેમ આ મહાપુરુષને તૈયાર કરનાર આણંદશ્રીજી સાધ્વી હતાં.
તેમના જ સંસારી કાકા હીરવિજયજી પ્રથમથી જ દીક્ષિત હતા. જેમના પરિવારમાં એક દીક્ષિત બને ત્યાં બીજાને પણ મન થાય જ.
૨૪૬
* * * * * * * * * * * * * કહે, કલાપૂર્ણસૂરિ-૩
