________________
સમજી લેવું એ ભગવાનને આપણે નાથ તરીકે સ્વીકાર્યા નથી. ભગવાનની રજા વિના એકેય ગુણ આવી શકતો નથી. ભગવાનની ગુણો પર અનન્ય માલિકી છે. મારી આ વાતનું ખંડન કરી જુઓ. મારી મદદે સિદ્ધર્ષિ ગણિનું પેલું વચન આવે છે : એક પણ શુભભાવ ભગવાનની કૃપા વિના મળતો નથી. શુભ ભાવથી જ ગુણ મળે છે. શુભ ભાવ ભગવાનની કૃપાથી મળે છે. માટે જ ગુણો પર ભગવાનની માલિકી છે, એમ કહું છું.
આજે સવારે વંદન વખતે પચ્ચખાણ ન આપી શક્યો. શંકા હતીઃ આજે કદાચ વાચના નહિ આપી શકું. પણ ભગવાને બેઠા છે ને ? એમણે મને તૈયાર કરી દીધો. હું શી રીતે ભગવાનને ભૂલું? બહુ જ નાનપણમાં હું પણ ભગવાનને આ રીતે ન્હોતો જાણતો. પણ આજે જાણું છું, પળ-પળે ભગવાન યાદ આવે, એવી ભૂમિકાએ ભગવાને જ પહોંચાડ્યો. એ ભગવાન મારાથી શી રીતે ભૂલાય ?
ગુરુ દ્વારા, પુસ્તક દ્વારા, કોઈ ઘટના દ્વારા કે ગમે તે દ્વારા તમારા જીવનમાં ગુણો આવે તે આખરે ભગવાન દ્વારા જ આવે છે. મુખ્ય ધારા એક જ છે. જ્યાં ક્યાંય પણ વેરાયેલું છે, તે ભગવાનનું જ છે, એટલું માનતા થઈ જાવ તો કામ થઈ જાય.
“કહે, કલાપૂર્ણસૂરિ” પુસ્તક મળ્યું. પૂજ્યશ્રીના કોહિનૂર હીરા જેવી રત્ન-કર્ણિકાઓને શબ્દોના દોરમાં બાંધી, એક નવલખા હાર જેવી અદ્ભુત રચના આપી ખૂબ ખૂબ ઉપકાર ચતુર્વિધ-સંઘ પર કર્યો છે. જીભ બોલે, હૃદય બોલે એવા શબ્દો ઘણી વાર મલ્યા છે, પરંતુ અનુભવ બોલતો હોય એવા તાકાતવર શબ્દો તો ક્યારેક જ મળે છે. એવા શબ્દો પહોંચાડ્યાની કૃતજ્ઞતા હૃદયપૂર્વક વ્યક્ત કરું છું.
“કહ્યું કલાપૂર્ણસૂરિએ” પુસ્તક હમણાં ભૂપતભાઈએ આપ્યું છે. આવી શ્રેણિ બહાર પડે અને શબ્દ-શબ્દ સચવાય એવી શુભાભિલાષા.
-સંયમબોધિવિજય, ઘાટકોપર, મુંબઈ
૧૪૮
૬
