Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
ભગવાન પર પ્રેમ નથી. ભગવાન પર પ્રેમ હોય ને તેમના વચન [શાસ્ત્ર] પર પ્રેમ ન હોય એવું બને જ નહિ.
- વચન અને અસંગ અનુષ્ઠાન જોડાયેલા છે. વચન યોગ આવતાં અસંગયોગ આવવા લાગે છે.
અસંગયોગ એ જ અનુભવ દશા ! અનુભવ દશાનું વર્ણન સાંભળતાં ડરતા નહિ.
બીજું કાંઈ ન કરી શકો તો પ્રભુનો પ્રેમ તો કરી શકોને ! પણ તે માટે બીજો પ્રેમ છોડવો પડે. એક પત્ની પણ “બાળક કોનો ?' એમ પૂછો તો તેના પિતાનું નામ આપશે. કારણ કે પ્રેમ સંપૂર્ણ ત્યાં સમર્પિત કરી દીધો છે. તે પોતાની જાત ક્યારેય આગળ ન કરે.
પ્રભુ-સમર્પિત વ્યક્તિ પણ કદી પોતાનું નામ આગળ ન કરે. ગૌતમસ્વામી કેટલા સમર્પિત હશે ? ભગવાનના કહેવાથી શ્રાવકને મિચ્છામિ દુક્કડ આપવા ગયેલા.
આપણે સમર્પણભાવ ખોઈ નાખ્યો. એટલે જ ન ભગવાનની શક્તિ મેળવી શકીએ છીએ, ન ગુરુની !
જે શૂન્ય બની ગયા તે જ પૂર્ણ બની ગયા.
આ ભગવાન જ અમને બધું આપે છે. બાકી અત્યારે અમારા પર કોણ રહ્યું ?
વાદળો ઘેરાયા છે એટલે જલ્દી પૂર્ણ કરું છું.
કહે, કલાપૂર્ણસૂરિ” પુસ્તક મલ્યું. આધ્યાત્મિક વાચનાઓનું સરસ સંક્લન કર્યું છે. અધ્યાત્મ-યોગી પૂજ્ય આચાર્ય ભગવંતની પાને-પાને વિવિધ મુદ્રાઓ દ્વારા દર્શન પણ થાય છે. તત્ત્વના ખજાનાથી ભરપૂર છે. ખરેખર ! તમારું સંપાદન દાદ માંગી લે તેવું છે.
- આચાર્ય વિદ્યાનંદસૂરિ
કહે, કલાપૂર્ણસૂરિ-૩
*
*
* * * * *
* *
* * *
૨૨૯
