Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
પૂજ્ય હેમચન્દ્રસાગરસૂરિજી ઃ ત્રિશલા તો દેવલોકમાં ગયાં.
પૂજ્યશ્રી ઃ જાય. તીર્થંકરની માતા મોક્ષે અથવા સ્વર્ગે જાય. ત્રિશલા પછી મોક્ષે જશે. ભગવાનનો પ્રેમ જ તેમને મોક્ષે લઈ જશે.
• કોઈ ચંદનનું વિલેપન કરે કે કોઈ વાંસડાથી છોલે. પણ જેની સમતા ખંડિત ન થાય તે સહજ ક્ષમા છે. આવી ક્ષમા ન આવે ત્યાં સુધી ક્ષયોપશમ ભાવની ક્ષમા તો રાખીએ.
ભગવાન પાસે આપણે પ્રતિજ્ઞા લીધી છે : “રાગ-દ્વેષ નહિ કરીએ. સાવદ્યનું સેવન નહિ કરી, કોઈના પ્રત્યે વેર-વિરોધ નહિ કરીએ.”
આ પ્રતિજ્ઞાનું પૂર્ણપણે પાલન થાય છે ? મરણાન્ત કષ્ટમાં પણ આપણા પૂર્વર્ષિઓએ સમતા રાખી છે.
૦ ૧૪મા ગુણઠાણે મન-વચન-કાયારૂપ યોગોનો પણ ત્યાગ થતાં યોગ સંન્યાસ થાય છે.
પૂ. હેમચન્દ્રસાગરસૂરિજી : ધર્મ-સંન્યાસમાં શાનો ત્યાગ થાય
છે ?
પૂજ્યશ્રી ઃ ક્ષયોપશમ ભાવના ક્ષમાદિ ગુણો છોડવાના હોય
છે. ક્ષાયિક ભાવના ક્ષમાદિ ગુણો મેળવવાના હોય
છે. નવું પગથીયું મેળવવું હોય તો પાછળનું પગથીયું છોડવું જ પડે. જૂના પગથીઆને પકડી રાખીને તમે નવું પગથીયું મેળવી શકો નહિ.
પ્રભુની શાન્ત મુદ્રા જોતાં મરુદેવી માતાની અંદર બધી જ ભૂમિકાઓ ઝડપથી આવતી ગઈ, છેવટે નિર્વિકલ્પ અવસ્થા પામીને કેવળજ્ઞાન પામી ગયાં.
• પ્રભુ યોગ-ક્ષેમંકર કહેવાય છે.
આગળ આવશે : ભગવાન ધર્મનું પાલન કરે, ધર્મનું પ્રવર્તન કરાવે, સ્થિર કરે.
ભગવાન આવા છે. પહેલા ધર્મ સાથે યોગ કરાવે, પછી સ્થિર પરિચિત કરાવે, પછી વિનિયોગ કરાવે. - આ બધા ભેદો-પ્રભેદો હમણાં બતાવવાની જરૂર શા માટે ?
કહે, કલાપૂર્ણસૂરિ-૩
* * * * * * * * * * * * *
૨૨૭
