Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
અત્યારે આપણી ચેતના નિમિત્તાલંબી છે. ભગવાન કહે છે : તું એને ઉપાદાનાલંબી બનાવી મારા જેવો શા માટે ન બને ? જ્યાં સુધી આવી કક્ષા ન મળે ત્યાં સુધી સ્વ-ભૂમિકા પ્રમાણે પૂજા ચાલુ રાખવાની છે.
પ્રશ્ન : ‘સરિહંતાણં' માં બહુવચન શા માટે ?
ઉત્તર ઃ અદ્વૈતવાદનો વ્યવચ્છેદ કરવા માટે. વળી ઘણા અરિહંતોને નમવાથી ઘણું ફળ મળે. ઘણી મૂડીનું ઘણું વ્યાજ મળે તેમ. “મને ઘણું ફળ મળશે.’’ આ જાણ્યા પછી નમસ્કાર કરનારનો ભાવ કેટલો વધે ?
આ ધુરંધરવિજયજી હમણા આવ્યા ને મને હમણા જ એમના ગુરુ મહારાજ પૂ. પં. ભદ્રંકરવિજયજી મ. નું ચિંતન યાદ આવ્યું :
દ્રવ્યથી વૃદ્ધિ
ગુણથી એકતા
પર્યાયથી તુલ્યતા.
પહેલી નજરે આ વાંચતાં નવું લાગ્યું, પણ પછી વિચારતાં ઘણું ઘણું જાણવા મળ્યું.
હું બધા મુનિઓને, આચાર્યોને કહેવા માંગું છું. આ દ્રવ્યાનુ
યોગનો અભ્યાસ કરવા જેવો છે.
આ સાધુ જીવન મળ્યા પછી શા માટે બકરાની જેમ બેં બેં કર્યા કરવું ? શા માટે સિંહપણું ન જગાવવું ?
સિંહપણું ઓળખવું હોય તો સિંહને [પ્રભુને] ઓળખવો પડશે. એ માટે દ્રવ્યનુયોગ ખાસ જરૂરી છે.
એક કડી કહીને પૂરું કરું.''
“જે ઉપાય બહુવિધની રચના, જોગ માયા તે જાણો રે; શુદ્ધ દ્રવ્ય ગુણ પર્યાય ધ્યાને, શિવ દિયે પ્રભુ સપરાણો રે...'' આનો અર્થ સમજો છો ? ચાલો, કાલે બતાવીશ.
૧૬૦
*
# કહે, કલાપૂર્ણસૂરિ-૩
