________________
હોય તો ગુણો જોઈએ. પુદ્ગલોથી થતી શારીરિક તૃપ્તિ નશ્વર છે. ગુણથી થતી તૃપ્તિ અવિનશ્વર છે.
આવું જ્ઞાન આત્મા સાથે અવશ્ય જોડી આપે. નકલી પૈસા પણ હોય, પરંતુ બજારમાં ચાલે ?
નકલી જ્ઞાન પણ હોય પરંતુ સાધનામાં તે જ જ્ઞાન ચાલે જેનાથી દોષ-નિવૃત્તિ અને ગુણની પ્રાપ્તિ થાય.
ગુણથી જ સાચી તૃપ્તિ થાય.
ભગવાનને કહી દો ઃ પ્રભુ ! હું ધૂમાડાથી તૃપ્ત નહિ થાઉં! પેટમાં પડે તો જ તૃપ્તિ-મળે ને ? ભગવન્ ! હવે આપે પ્રત્યક્ષ દર્શન આપવા જ પડશે. ધૂમાડે ધીજું નહિ સાહિબ, પેટ પડ્યા પતીજે.’’
સાધક અવસ્થામાં ભગવાને સર્વ જીવો સાથે પ્રેમ સાધ્યો છે. એમનું જીવન કહે છે : જો મોક્ષમાં જવું હોય તો સર્વજીવોને આત્મવત્ ગણવા પડશે. દશવૈકાલિકના ચાર અધ્યયન [ચોથા અધ્યયનમાં છ જીવનિકાયની વાત છે.] વિના વડી દીક્ષા ન અપાય, તેનું આ જ કારણ છે. એ પહેલા આચારાંગના શસ્ત્ર-પરિક્ષાના અધ્યયન વિના વડી દીક્ષા ન્હોતી અપાતી.
દશવૈકાલિક મૂળ આગમ છે.
આવશ્યક અને દશવૈકાલિકના તો દરેકના જોગ થયેલા છે. એના પરનું મળતું તમામ સાહિત્ય વાંચો તો પણ ન્યાલ થઈ જાવ. નિર્યુક્તિ, ભાષ્ય, ચૂર્ણિ, ટીકા વગેરે કેટલું વિશાળ સાહિત્ય છે ! એમાં ઊંડા ઊતરો તો પણ તમારું જીવન યોગીશ્વરનું જીવન બની જાય.
આ મૂળ આગમ છે. એ મજબૂત હશે તો આગળનું સહેલું થઈ પડશે. પાયો મજબૂત હોય તો ઉપરની ઈમારત નિર્ભયપણે તમે બાંધી શકો. પછી તમારા આનંદમાં થતી વૃદ્ધિને કોઈ રોકી ન શકે.
અન્ય દર્શનીઓમાં તે વખતે પણ આનંદમાં ગરકાવ રહેતા યોગીઓ હતા. માટે જ ભગવાને ગૌતમસ્વામીને કહ્યું : અમારો જૈન સાધુ તો માત્ર બાર માસમાં સમસ્ત દેવોના સુખને પણ ઓળંગી
કહે, કલાપૂર્ણસૂરિ-૩
૧૦૨ *
