Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
બાકી છે.
પૂજ્યશ્રી : યોગ આદિની બીજી બધી જાળમાં જ અટવાઈ નહિ જતા પણ એના અર્ક સુધી પહોંચજો.
તમે તો નાની ઉંમરમાં દીક્ષા લીધી. મેં તો ૩૦ વર્ષની વયે લીધી ને મારે “રામ રામ રામઃ' ભણવાનું આવ્યું. મનમાં અધ્યાત્મની તીવ્ર ઈચ્છા, છતાં આ બધું ભણ્યો. કારણ કે હું જાણતો હતો કે પૂવાચાર્યોનો પૂરો પરિચય ભાષાકીય જ્ઞાન વિના નહિ થાય.
હું કહેવા માંગું છું : જીવનભર ન્યાય, કાવ્ય અને કોશમાં અટવાઈ નહિ જતા, આ બધા સાધન ગ્રંથો છે, એ ભૂલતા નહિ.
પૂ. જંબૂવિજયજી મ.ને પૂછી જોજો. ન્યાયમાં ખૂબ ઊંડા ઊતર્યા. એમના ગુરુ મહારાજ વારંવાર કહેતા : “ઘટ-પટ ને ગધેડો–માં જ સમય ન કાઢ. સાધનામાં આગળ વધ. કાગળમાં શું લખે છે ? કાળજામાં લખ. ચતુર્વિધ સંઘના હૃદયમાં કાંઈક ઊતાર.” એમની વાણીથી તેઓ ભક્તિમાર્ગમાં આગળ વધ્યા. | માયા એટલે પ્રપંચ નહિ. વિસ્તાર. એ વિસ્તારના જંગલમાં અટવાઈ નહિ જતા. શુદ્ધ દ્રવ્ય-ગુણ પર્યાયના ધ્યાનથી પ્રભુ સામેથી મોક્ષ આપે છે. અહીં “પરાણે’ શબ્દ આવ્યો છે. તેનો અર્થ જાણો છો ને ?
વીતરાગ સ્તોત્રમાં આવે છે : “પરાત્તિ ’ | એનો અર્થ વિચારજો.
શુદ્ધ દ્રવ્ય ગુણ પર્યાયનું ધ્યાન તે પક્ષીનો માર્ગ છે.
આપણો માર્ગ કીડીનો છે. જો કે એ પણ હોય તો સારી વાત છે.] કીડીના માર્ગે વિદન ઘણા છે. રસ્તામાં તો ઘણા ખાડાટેકરા આવે, કોઈના પગ નીચે દબાઈ જવાની પણ સંભાવના. ગગન માર્ગમાં આવી કોઈ સંભાવના નથી. પૂ. પં. ભદ્રંકરવિજયજી મ. કહેતા હતા : પંચપરમેષ્ઠિમાં અરિહંતસિદ્ધ શુદ્ધ આત્મદ્રવ્ય છે. એમને પકડી લો એટલે શુદ્ધ આત્મદ્રવ્ય પકડાઈ જશે.
કહે, કલાપૂર્ણસૂરિ-૩
* * * * * ૧૬૫
