Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
કઈ પીડા વધુ ખતરનાક ? કાંટા, તલવાર વગેરે બાહ્ય પીડા ખતરનાક કે અંદર કષાય આદિની પીડા ખતરનાક ? ઊંડાણથી જોશો તો અંદરની પીડા ખતરનાક જણાશે. અંદરની એ પીડાને હરનારા ભગવાન છે.
'तुभ्यं नमस्त्रिभुवनातिहराय नाथ ।' ભગવાન ત્રણેય ભુવનની આવી પીડાને હરનારા છે.
-ભક્તામર. ક્રોધની કેવી પીડાથી ચંડકૌશિક પીડાતો હતો ? આંખોમાં ઝેર ક્યાંથી આવ્યું ? પૂર્વભવમાં ક્રોધના જે ઊંડા સંસ્કારો પાડેલા તેના પ્રભાવે. ક્રોધને ઝેર કહ્યો છે, તે માત્ર ઉપમા જ નથી, પણ આ રીતે વાસ્તવિક પણ છે.
પોતાની દૃષ્ટિમાં રહેલા ઝેરથી તે અન્યને ભસ્મીભૂત કરતો હતો એટલે બીજા જ પીડા પામતા હતા ને તે સ્વયં પીડા – મુક્ત હતો, એમ રખે માનતા! કોઈપણ ક્રોધી માણસ બીજાને પડે છે, તે પહેલા તે જાતને જ પડે છે. એ મહાન સત્ય સમજી લેજો.
જૈન ગુરુનું સન્માન જગતમાં સર્વોત્કૃષ્ટપણે થાય છે તે ભગવાનનો પ્રભાવ માનજો. મદ્રાસમાં પ્રતિષ્ઠા પ્રસંગે હજારો અજૈન માણસો દર્શનાર્થે આવતા તે વખતે જણાયું : અજેનોમાં પણ જેન સંતો પ્રત્યે કેટલો આદર છે ? ભલે એ લોકો માંસાહારી હતા, પણ હૃદયના સરળ હતા. સાત વ્યસન ખતરનાક છે. એટલી વાત કરીએ ને તેઓ સાતેય વ્યસન છોડવા તૈયાર થઈ જાય. અહીં તમને કંદમૂળ માત્ર છોડાવવું હોય તોય અમારે લોહીના પાણી કરવા પડે ! એક ડૉક્ટરને મેં માંસાહાર છોડવાની વાત કરી ને તેણે તરત જ સ્વીકારી લીધી. કાંઈ વધુ સમજાવવાની જરૂર ન પડી. ફી લેવાની તો વાત જ ક્યાં ?
ઓસવાળો બધા માંસાહારી ક્ષત્રિયો હતા, પણ પાર્શ્વનાથ સંતાનીય પૂ. રત્નપ્રભસૂરિજીના ઉપદેશથી [અંબિકા દેવીની પ્રેરણાથી માંસાહાર છોડી જેન બન્યા. આજે પણ બધા ઓસવાળો એ દેવીને સિચ્ચાઈ દેવીને માને છે.
ઓસીયામાં રાજકુમારને સાપે ડંખ મારેલો. તે વખતે દેવી
જ
સમજ
જ
ર
મ
મ
મ મ
મ ૧૩૫
