Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
શ્રાવકને ભક્તિ બતાવવી ન પડે, વણાયેલી જ હોય.
સંસારમાં કઈ વસ્તુ છે, જે પ્રભુ - ભક્તને ન મળે ? –આ સિદ્ધસેન દિવાકરસૂરિજીનો શકસ્તવમાં ટંકાર છે.
શક્રસ્તવમાં સ્વરૂપ સંપદા બતાવ્યા પછી ઉપકાર સંપદા બતાવી છે. જગતમાં કોઈ પાસે ન હોય તેવી સંપદા ભગવાન પાસે છે. એની શ્રદ્ધા કરીએ તોય કામ થઈ જાય. ૩૪ અતિશયો, ૩૫ વાણી-ગુણો, આઠ-પ્રાતિહાર્યો જોઈને જ વિરોધીઓ પણ ઝાંખા પડી જાય.
પાંડિત્ય બતાવવા નહિ, પણ ઉપકાર કરવા પ્રભુ જગતમાં પધાર્યા છે.
- પૂજ્યશ્રી હરિભદ્રસૂરિકત લલિતવિસ્તરામાં ભગવાનનો અભુત મહિમા બતાવ્યો છે. પરાર્થ સંપત્તિથી ભક્તને ખ્યાલ આવે છે : હું ભલે નબળો છું. મારા ભગવાન નબળા નથી. મને એ તારશે જ.
એક અનુભવી સંતે કહ્યું : “નમો અરિહંતાણ” માંથી માત્ર નમો’ આવી જાય તોય ઘણું ! એકવાર ભાવ નમસ્કાર આવી જાય તોય ઘણું ! એ માટે જ આ દ્રવ્ય નમસ્કારો છે.
નમસ્કાર પૂજા અર્થમાં છે. પૂજા એટલે દ્રવ્ય-ભાવનો સંકોચ. તન, ધન, વચન આદિ પ્રભુના ચરણે ધરવું તે દ્રવ્ય સંકોચ. મનનું અર્પણ કરવું તે ભાવ સંકોચ છે.
પ્રભુના વખાણ કર્યા એટલે એશ્વર્યોપાસના થાય, પણ માધુર્યોપાસના કરવી હોય તો પ્રભુ સાથે સંબંધ બાંધવો જોઈશે. એ વિના પ્રભુ સાથે પ્રેમ નહિ પ્રગટે. “વું છે માતા પિતા નેતા' આ માધુર્યોપાસના છે.
સંસારનો રાગ આગ બનીને બાળે છે. પ્રભુનો રાગ બાગ બનીને જીવનને અજવાળે છે.
પ્રભુનો રાગ કરવાથી દોષોનો નાશ અને ગુણોનું પ્રકટીકરણ થાય છે.
આ વાત ગણધરોએ જણાવી છે.
કહે, કલાપૂર્ણસૂરિ-૩ + મ = * * * * * * * *
૫
