Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
પરિબળો છે.] ઉપયોગપૂર્વક સાંભળવું.
આ ગુરુ પાસેથી જ્ઞાન મેળવવાની વિધિ છે. આમ કરશો તો કલ્યાણ થયા વિના રહેશે જ નહિ, એમ શાસ્ત્રકાર ગેરંટી આપે છે.
ઉપાય ઉપેયને આપીને જ જંપે. આ નિયમ છે. દીવો પ્રગટાવો તો પ્રકાશ થાય જ. પાણી પીઓ તો તરસ છીપે જ. વિધિપૂર્વક કરો તો કલ્યાણ થાય જ.
ભગવાનની ભક્તિ કરો તો મંગળ થાય જ, દુર્ગતિનો ભય જાય જ. ભગવાનના ભક્તને દુર્ગતિનો ભય કેવો ? ભક્ત નિશ્ચિત હોય છે. આપણે આવા નિશ્ચિત ખરા ?
બહેન' તરીકે સંબોધનની તક અમેરિકામાં વસતો એ યુવાન બાળવયથી પરિચિત. તેથી કાકી કહીને બોલાવે. તેના શહેરમાં પ્રવચન માટે જવાનું થયું. તેના ઘરે ગઈ. ઘરમાં જોયું : મદિરાનો બાર હતો. દેશના વેશ પ્રમાણે વ્યસન સેવન થતું રહ્યું. મેં તેનું બાળપણ યાદ કરાવ્યું. ક્યાં તારા માતાપિતાના સંસ્કાર ? અને ક્યાં આ દુરાચાર? પછી ઘર્મની ઘણી કથાઓ કહી.
સાંજે પ્રવચનમાં તેને મારો પરિચય આપવાનો હતો. ત્યારે મેં કહ્યું બહેન” કહીને પરિચય આપજે. તેણે પરિચય આપતાં જાહેરમાં કહ્યું કે, “બહેન” સંબોધનની મને જે તક મળી તે માટે હું આજથી દારૂ પીવાનો ત્યાગ કરું છું.
પુણ્યયોગે તેને ધર્મની ભાવનાવાળા ભાઈની મિત્રતા હતી તે વધુ પરિચિત થઈ અને પોતે જ યથાશક્તિ ધર્મભાવનામાં જોડાઈ ગયા.
- સુનંદાબેન વોરા
૧૨૦
* * * * * * * * * * * * * કહે, કલાપૂર્ણસૂરિ-૩
