________________
તેઓ સ્તુતિ દ્વારા આપણને શીખવાડે છે : ભગવાન દ્વારા જ આરોગ્ય, બોધિ, સમાધિ વગેરે મળશે. ભગવાન ન મળ્યા હોત તો કર્મના આ રોગમાંથી થોડાક અંશે પણ મુક્ત બની શક્યા ન હોત.
“હું રોગી છું” એવું ભાન પણ ભગવાન વિના થતું નથી. શરીરનો રોગ ખટકે છે પણ શરીરમાં બેઠેલા આત્માને રોગ છે એનો વિચાર સુદ્ધા નથી આવતો. વિચાર આવે તો ભગવાન પાસે આરોગ્ય માંગવાનું મન થાય ને ?
“પ્રભુ ! પ્રસન્ન થાઓ અને મને આ ત્રણ પદાર્થો જરૂર આપો : આરોગ્ય, બોધિ અને સમાધિ.” આ ત્રણમાં ગણધરોએ પૂરો મોક્ષ માર્ગ માંગી લીધો.
ગણધરોની આ માંગણી છે. તમારી માંગણી કઈ ?
ભગવન્! એકલો છું. એકાદ ચેલો મળી જાય તો કામ થઈ જાય ! આવું કાંઈ નથી માંગતાને ? ગૃહસ્થોની પોતાના ક્ષેત્રની ઈચ્છાઓ હોય છે. અહીં પણ આવા પ્રકારની ઈચ્છાઓ હોઈ શકે છે. આવી ઈચ્છા હોય તો સમજવું ઃ અહીં આવીને આપણે નવો સંસાર ઊભો કરી રહ્યા છીએ.
• નિષ્ણાતના કહ્યા મુજબ ઔષધ ન લો તો રોગ તો ન મટે, પણ ઉત્સુ રોગ વધશે.
અહીં પણ પ્રત્યપાય સંભવી શકે.
કાલગ્રહણ આદિમાં ગોટા વળી જાય તો કેટલીક વખત ગાંડપણ, વળગાડ આદિ થતા જોવા મળે છે, ગુરુ ભલે કાંઈ ન કરે, પણ આસપાસના દેવો થોડું માફ કરે?
એક સાધ્વીજીએ “ગરમ પાણીથી કોઢનો રોગ થયો છે.” એમ કહ્યું ત્યારે શાસનદેવીએ તેની ખબર લઈ નાખી. પછી સાધ્વીજીએ પોતાની ભૂલ કબૂલી.
ગરમ પાણીથી રોગ આવે કે જાય ? અત્યારે કોલેરાના વાતાવરણમાં તો ડૉક્ટરો ખાસ કરીને ઊકાળેલું પાણી પીવાની સલાહ આપે છે.
કહે, કલાપૂર્ણસૂરિ-૩
૧૩૧
