Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
દુર્લભ છે, પણ નિરાશ નહિ થતા. એને લાવનારા બીજા પાંચ ચઉવિસત્થો આદિ આવશ્યકો છે.
આચારાંગનો અધિકારી કોણ ? શીલાંકાચાર્ય લખે છે કે જેણે આવશ્યક સૂત્રો સૂત્ર – અર્થ – તદુભયથી ભાવિત કરેલા છે, જેણે સૂત્રોના જોગ કરી લીધા છે તે [ સાધુ ] આનો અધિકારી છે. તે જ આના રહસ્યો સમજી શકશે.
જેટલા રહસ્યમય શાસ્ત્રો છે તે અધ્યાત્મશાસ્ત્રોમાં આચારાંગ પ્રધાન છે.
કર્મ સુખ આપે તો પણ વિશ્વાસ કરતા નહિ. પુણ્યના ભરોસે પણ રહેવા જેવું નથી. કર્મો ક્યારે દગો આપે તે કહેવાય નહિ.
સાધનાનું પણ અભિમાન કરવાનું નથી. ઉપશમ શ્રેણિએ ચડેલા શ્રુતકેવળી પણ અનંતકાળ માટે નિગોદમાં જઈ શકે છે, ગયા છે.
ચાર જિન [નામ, સ્થાપના, દ્રવ્ય અને ભાવજિન] માં અત્યારે ભાવજિન જ નથી. બાકીના ત્રણની બરાબર આરાધના કરીએ તો ભાવજિન મળશે જ. - અર્થી એટલે માત્ર અભિલાષી નહિ, તીવ્ર અભિલાષી. રોગ મટાડવાની તીવ્ર ઈચ્છા હોય તેવા દર્દીનો જ કેસ વૈદ હાથમાં લે. તેમ તીવ્ર અર્થી જ અહીં અધિકારી ગણાયો છે.
અર્થી તે કહેવાય જે સામેથી શોધતો આવે. આપણે લાખોના ટોળા ભેગા કરીને તેમની વચ્ચે જવાનું નથી. લોકો શોધતા આવે તેમાં અર્થિપણું જણાય.
ગઈકાલે જ આ વાત થવી જોઈતી'તી પણ પાનું પલટાઈ ગયું એટલે વાત રહી ગઈ, પણ કાંઈ વાંધો નહિ. એમાં પણ સારું જ હશે. વધુ છણાવટ થવાની હશે !
આ ચૈત્યવંદન જેને અચિત્ય ચિન્તામણિ લાગે તે સાચો અર્થી છે. હરિભદ્રસૂરિજીને અચિજ્ય ચિન્તામણિ લાગેલું, આપણને લાગે છે ?
લાખો ભવોની અંદર એકઠા કરેલા કર્મોથી આવેલા દોર્ભાગ્ય, દુર્ગતિ આદિને ઊડાવી દેનારુ આ ચેત્યવંદન છે.
કહે, કલાપૂર્ણસૂરિ-૩
૪૭
