Jain Mantra Stotra Ane Yantra

Author(s): Gunant Barvalia
Publisher: Arham Spiritual Centre

Page 8

પાછળ પણ લોજિક રહેલું છે.
તમે જ્યારે શ્રી ઉવસગ્ગહરં સ્તોત્રના ઉત્કૃષ્ટ ભાવોમાં આવો છો ત્યારે સ્તોત્રની સૂમ શક્તિ એટેક કરે છે. તમારા મનના એ ભાગ પર જ્યાંથી નેગેટીવ અને પોઝીટીવ ભાવધારાઓ વહે છે. ત્યાં એટેક કર્યા પછી એ નેગેટીવ ભાવધારાને અટકાવી દે છે અને જે પોઝીટીવ ભાવધારા હોય એને આગળને આગળ વધારે.
નેગેટીવ ભાવોના કારણે એનો જે જીવનરસ પ્રેમ સુકાય ગયો હોય છે તે પોઝીટીવ ધારાનો ફોર્સ વધવાના કારણે પુનઃ પલ્લવિત થવા લાગે છે.
બીજું, તમે જ્યારે આત્માના અતલ ઊંડાણથી પરમાત્માની ભક્તિ કરો છો, ત્યારે પરમતત્ત્વની ચેતના સાથે તમારી આત્મિક ચેતના જોડાય જાય છે અને પરમતત્ત્વની દિવ્યશક્તિનો પરમ અહેસાસ થવા લાગે છે.
વિસામ-સામાન્ય માન્યતા છે કે શાંત થવું પણ એના સિક્રેટ જાણશો તો સમજાશે વિસામું એટલે કોઈપણ જાતના દુઃખ, દર્દ, વેદના, પીડા કે તકલીફનો અનુભવ ન થવો. વેદના હોવા છતાં એનું વેદન ન થવું.
જેમ-જેમ તમે એક-એક રહસ્યોને સમજતાં જશો તેમ તેમ તમારી સમજણ અને તમારા ભાવ અલગ જ થવા લાગશે.
चिट्ठउ दूरे मंतो, तुझ पणामोवि बहु फलो होइ ।
नरतिरियेसु वि जीवा, पावंति न दुक्ख दोगच्चं ।। પરમાત્માનો આ સ્તોત્ર આવડે કે ન આવડે, મંત્રાધિરાજની સાધના કરવાની ક્ષમતા પણ ન હોય, ઉચ્ચારણ પણ શુદ્ધ ન હોય અને માત્ર ભાવથી પરમાત્માને પ્રણામ કરવાથી પણ મહાફળ મળે.
પ્રભુને માત્ર પાંપણ ઢાળી, મસ્તક ઝૂકાવવાથી આત્માને કેવી રીતે લાભ થાય?
પરમાત્માને જ્યારે અહોભાવથી પ્રણામ થાય છે ત્યારે આત્મા અને પરમાત્મા વચ્ચે સૂક્ષ્મ કનેક્શન થઈ જાય છે, જેના દ્વારા તમારી ભાવસંવેદના અને આત્મ સ્પંદનો પરમાત્મા સુધી પહોંચી જાય છે.
પરમાત્મામાં સમાય જવાની અને પરમાત્માને પોતાનામાં સમાવી લેવાની જ્યારે અનુભૂતિ થાય છે ત્યારે ઐક્યતા સર્જાય છે અને તમારો આત્મા પરમાત્મમય બની જાય છે, ત્યારે પરમાત્માના ગુણો સહજતાથી તમારામાં પ્રગટવા લાગે છે.
જેનામાં પરમાત્માના ગુણો હોય એને કોઈ દુઃખ હોય ? એ જીવ ક્યારેય દુર્ગતિમાં જાય? એને કોઈ તકલીફ આવે ? કદાચ કર્મોના ઉદયે આવે તો ટકે નહીં અને તકલીફ, તકલીફ લાગે નહીં. આ જ તો હોય છે પરમાત્માને સમજપૂર્વક ભાવથી પ્રણામ કરવાનું મહાફળ !
तुह सम्मते लद्धे, चिंतामणी कप्पपायवन्भहिए ।
पावंति अविग्घेणं, जिवा अयरामरं ठाणं ।।। અતૂટ શ્રદ્ધાથી જે પરમાત્માની સ્તુતિ અને ભક્તિ કરે છે, તેને સમક્તિની પ્રાપ્તિ થાય છે. જેમ-જેમ શ્રદ્ધા અને ભક્તિ વધે, તેમ-તેમ શક્તિ, મહાશક્તિ બનતી જાય.
જેમ-જેમ પરમાત્માની ભક્તિના વલયો તમારી આસપાસ વધવા લાગે, તેમતેમ તમારી આસપાસની અશુભ ઓરાઓ અને અશુભ લેશ્યાઓ તૂટવા લાગે, જેના કારણે અશુભ કર્મોના આવરણો પણ તૂટવા લાગે.
અશુભ ભાવ ઘટે એટલે શુભ ભાવ વધે. શુભ ભાવ વધે એટલે સમ્યગ્રદર્શન પ્રગટ થાય.
| શ્રી ઉવસ્મગહરં સ્તોત્રની સાધનાથી જે પ્રાપ્ત થાય છે તે રત્નચિંતામણિ અને કલ્પવૃક્ષથી પણ અમૂલ્ય હોય છે. કેમ કે, રત્નચિંતામણિ અને કલ્પવૃક્ષથી જે પ્રાપ્ત થાય છે તે અંતે છૂટી જાય છે, જ્યારે સ્વયંમાંથી પ્રગટેલું સમ્યગુદર્શન ક્યારેય ન છૂટવાવાળું હોય છે. મહાલાભદાયી અને મહાફળદાયી હોય છે. આત્મા માટે કલ્યાણકારી હોય છે.
જ્યારે ઉત્કૃષ્ટ ભાવથી પ્રભુની ભક્તિ થાય છે ત્યારે નિર્વિદનતા પ્રાપ્ત થાય છે. નિર્વિઘ્નતા એટલે આવેલું વિદન દૂર થઈ જવું. જૈન મંત્ર, સ્તોત્ર અને યંત્ર
જ્ઞાનધારા - ૨૦