Jain Mantra Stotra Ane Yantra

Author(s): Gunant Barvalia
Publisher: Arham Spiritual Centre

Page 7

થાય. પ્રભુની શુભ અને શુક્લ ઓરાનો (આભામંડળનો) અવગ્રહ પ્રાપ્ત થાય. પ્રભુને બાકુળાનું આહાર દાન અર્પણ કરે અને પળમાં કર્મોનું સંક્રમણ થઈ જાય!
પળમાં દાસી અને પળમાં રાજકુમારી ! પળમાં બેડીના બંધન અને પળમાં મુક્તિ!
ચાહે મંત્ર હોય કે ચાહે સ્તોત્ર હોય, હોય છે જબરદસ્ત અને પાવરફૂલ સૂક્ષ્મ શક્તિનું પાવરહાઉસ. એ પાવરહાઉસ સાથે આત્મકનેક્શન કરતાં જેને આવડી જાય તે આર્થિક, આત્મિક અને આધ્યાત્મિક વૈભવને પ્રાપ્ત કરે. સ્તોત્રમાં સમાયા છે અદ્ભુત સિક્રેટ્સ:
મહાપ્રભાવક શ્રી ઉવસગ્ગહરં સ્તોત્રની એક-એક ગાથાના એક-એક શબ્દોમાં છુપાયા છે અદ્ભુત સિક્રેટ્સ!
આ સિક્રેટ્સને સમજી જે સાધના કરે છે તેસિદ્ધિને પામે છે. એક-એક શબ્દમાં અનેક સિક્રેટ્સ સમાયા છે. અત્યારે આપણે ખૂબજ સંક્ષિપ્તમાં સમજીશું કેમ કે, બધા જ સિક્રેટ્સ માટે તો મોટો ગ્રંથ જોઈએ!
उवसग्गहरं पासं, पासं वंदामि कम्मघणमुक्कं ।
विसहर विस निन्नासं, मंगल कल्लाण आवासं ।। પ્રથમ ગાથાનો પ્રથમ અક્ષર “ઉ” નો ઉચ્ચાર જ્યારે તમે સર્વાગથી, સમગ્ર અસ્તિત્વથી કરો છો ત્યારે જ નાભિના શક્તિકેન્દ્ર ખુલે છે, દિવ્ય શક્તિ પ્રગટ થાય છે અને એક અલગ પ્રકારના વાઈબ્રેશન્સથી આત્મા સંપાદિત થવા લાગે છે.
‘પાસ’ શબ્દ સાથે પરમાત્મા પાર્શ્વનાથ પ્રત્યે અત્યંત પ્રેમ અને અહોભાવ ધરાવતાં, પરમાત્માની નિતાંત ભક્તિ કરતાં પાર્શ્વ યક્ષ, ધરણેન્દ્ર દેવ, પદ્માવતી દેવી આદિને આહવાન આપી આમંત્રિત કરવાના હોય છે, દિવ્ય શક્તિનું પ્રાગટ્ય કરવાનું હોય છે. વિધિપૂર્વક વંદના કરી સિદ્ધતત્ત્વની અંદનાનો અનુભવ કરવાનો હોય છે. પ્રભુના જ્ઞાન ગુણોને મસ્તકમાં ભરવાં. પ્રભુચરણે મસ્તકને માત્ર નમાવવાનું નથી, મસ્તકમાં ભરાયેલું ખાલી કરવાનું છે.
કર્મોથી મુક્ત થયેલાં પરમાત્માને વંદન કરતાં કરતાં ભાવના ભાવવાની કે, પ્રભુ! હું પણ કર્મોથી મુક્ત થવાની ભાવના રાખું છું.
જ્યાં સુધી ભાવ ન હોય, ત્યાં સુધી ભાવ સંવેદનનું પ્રાગટ્ય ન હોય. જ્યાં સુધી ભાવ સંવેદન ન પ્રગટે, ત્યાં સુધી અંતર આત્મામાંથી સ્તોત્ર ન સૂવે.
| ‘વિસહર વિસન્નિાસ” બોલતી વખતે ભાવ પ્રગટ કરવાનો હોય છે કે, હે પ્રભુ! મારા અંદરમાં જેટલી પણ દ્વેષ અને અવગુણોની ઝેરી વૃત્તિઓ પડેલી છે તેનો નાશ થાઓ, મારો આત્મા શુદ્ધ થાઓ, મારું મન શાંત થાઓ ! મંગલ કલ્યાણ આવાસ ...
પ્રભુની ભક્તિ કરતાં કરતાં ક્યારેય એવા ભાવ પ્રગટ કર્યો છે કે, પ્રભુ ! તારામાં ભળીને હું મને જ ભૂલી જાઉં !
ભક્તિ તો ભાવથી કરવી છે પણ ભગવાનમાં ભળવું નથી. ભગવાનને ભગવાન જ રાખવા છે અને પોતે જેવા છે એવા જ રહેવું છે.
જો તમે પરમાત્મામાં ભળી જાવ તો પરમાત્માની દિવ્યશક્તિઓ તમારામાં પણ પ્રગટ થવા લાગે ને! પછી તો પ્રભુનો વાસ તમારા હૃદયમાં થઈ જ જાય !
विसहर फुल्लिंगमंतं, कंठे धारेइ जो सया मणुओ।
तस्स गह रोग मारी, दुट्ट जराजंति उवसाम ॥ વિસહર ફુલ્લિગમંત આ શબ્દ વિશિષ્ટ શક્તિનો ધારક મંત્રાધિરાજ છે. જો એનું યથાયોગ્ય સુવિધિથી, અત્યંત અહોભાવથી સ્મરણ અને સાધના કરવામાં આવે તો દિવ્યશક્તિ નિશ્ચિત રૂપે પ્રગટ થાય જ ! આ મંત્રાધિરાજને જે સિદ્ધ કરી લે છે તેના બધાં ઉપસર્ગો શાંત થઈ જાય છે. તેના સર્વ રોગો અને આપત્તિઓ દૂર થઈ જાય છે.
જે આ મંત્રને ભક્તિની નિરંતરતા અને સ્થિરતા દ્વારા સાતત્ય બનાવી દે છે, સિદ્ધિ તેની સમીપ આવી જાય છે.
ત્યારે તેનાં બધાં રોગો દૂર થઈ જાય છે અને તેના ઉપસર્ગો શાંત થઈ જાય છે. નિરાશ અને નેગેટીવ થઈ ગયેલી વ્યક્તિમાં જીવંતતાનો સંચાર થવા લાગે છે. એની જૈન મંત્ર, સ્તોત્ર અને યંત્ર
જ્ઞાનધારા - ૨૦