________________
ગાથા-૮)આહાર ને નિહાર જેના છે અગોચર ચક્ષુથી,
પ્રવેદ વ્યાધિ મેલ જેના અંગને સ્પર્શે નહિ; રવÈનુ દુગ્ધ સમા રુધિર ને માંસ જેના તન મહીં,
એવા પ્રભુ અરિહંતને પચાંગભાવે હું નમું.” ૮ કવિરાજ ભગવાનનો પ્રત્યક્ષ મહિમા વર્ણવ્યા પછી પરોક્ષ અચિંત્ય, અગોચર એવો પ્રાકૃતિક મહિમા પણ જાણીને અને જણાવીને પ્રભુની ગુપ્તલીલાનો ઇશારો કરે છે. જુઓ તો ખરા ! જયાં માનવશરીર છે ત્યાં આહાર-નિહાર સ્વાભાવિક છે. એ જ રીતે શરીરના બીજા કેટલાક ધર્મો પ્રસ્વેદ (પસીનો) વગેરે પણ સંભવિત છે. ઉપરાંત દેહના આંતરિક ધર્મો રક્તસંચાર પણ સ્વાભાવિક પોતાનું કાર્ય કરે છે. પરંતુ ત્રિલોકીનાથ દેવાધિદેવ અરિહંતોના પ્રબળ પુણ્યના યોગે તીર્થકર નામ કર્મના ઉદયના કારણે બધી જ શારીરિક ક્રિયાઓ અદશ્યભાવે ચાલે છે અને પ્રકૃતિ સ્વયં તે પુદગલોનો વિક્ષેપ કરી નાંખે છે અર્થાત્ ગંદગી -મેલ લેશમાત્ર રહેતો નથી તેવી સૌરભમય સ્થિતિ બની જાય છે. જેમ કપૂર હવામાં ઊડી જાય છે તેમ દેહથી નીકળતા બધા સૂક્ષ્મ પુગલપિંડો સ્વયં લય પામી જાય છે અને પ્રભુના શરીરમાં રહેલું રક્ત ખરેખર રક્તભાવથી રહિત બની જાણે કોઈ કામધેનુનું શ્વેતરંગી દુગ્ધ હોય તેવું ઉજ્વળ અને સૌરભમય મધુરભાવને ધારણ કરતું શરીરમાં સંચાર પામે છે. કહેવાનો તાત્પર્ય એ છે કે સંપૂર્ણ પ્રકૃતિ જગત આ દિવ્ય પુરુષોના આ દેહની બધી ક્રિયાને સ્વયં સંપાદિત કરે છે. પ્રકૃતિસ્તુ જનની અર્થાત્ પ્રકૃતિ સ્વયં માનું કામ કરે છે. “નેચર ઇઝ ઓન મધર.' આ રીતે આઠમી ગાથામાં અલૌકિક ભાવનું વર્ણન કરી કવિરાજ તેવા લોકાતિત દિવ્ય પુરુષોનાં ચરણોમાં પંચાંગભાવે સ્વયં લીન બનીને પ્રણામ કરે છે.
અિરિહંત વંદનાવલી) wwwxxx ૩૧
