________________
આપે છે કે ભલે તમારું જ્ઞાન ઓછું હોય કે સમજ ઓછી હોય, પરંતુ સ્વયં ભગવત પરાયણ બની પ્રભુના દિવ્ય સ્વરૂપનો વિશ્વાસ કરો છો, તે જ્ઞાનની અલ્પતા જરા પણ બાધક નથી. એક અક્ષરના જ્ઞાનવાળો જીવ શ્રદ્ધાના બળે પરિત સંસારી થઈ જાય છે. જ્યારે નવપૂર્વ સુધીનું જ્ઞાન ધરાવતો જીવ વિશ્વાસના અભાવે અનંત સંસારી બની ભવચક્રમાં જ અટવાયેલો રહે છે. જુઓ છોને આ વિશ્વાસની કરામત. અત્યાર સુધી કવિ પ્રભુના દિવ્ય સ્વરૂપનું વર્ણન કરતા હતા, પરંતુ વર્ણન કર્યા પછી જ્યારે તેને ઓડકાર આવ્યો ત્યારે આ નગદ સત્ય ૪૮મી ગાથામાં પ્રગટ કર્યું છે, અને તે છે વિશ્વાસ કબીર સાહેબને પૂછ્યું કે વિષ્ણુ ભગવાન ક્યાં છે, ત્યારે કબીરે એક સેકન્ડમાં જવાબ આપ્યો કે - “વિશ્વાસે વસૂતિ વિષ્ણુ” અર્થાત્ હે ભાઈ વિશ્વાસમાં વિષ્ણુ વસે છે. વિશ્વાસ એ જ ભગવાનને રહેવાનું સ્થળ છે. તમારો વિશ્વાસ જાય તો સાથે તમારા માટે ભગવાન પણ જાય. આમ આ કવિએ વિશ્વાસની વ્યાખ્યા કરી તેની દઢતા બતાવી, તેનાથી ફલિત થતી પોતાની મુક્તિનો સહર્ષ સ્વીકાર કરી અહોભાવ પ્રગટ કર્યો છે.
અરિહંત વંદનાવલી
-
-
૯૩)
