________________
ગાથા-૩૦ “જે રજત સોનાને અનુપમ રનના ત્રણ ગઢ મહીં
સુવર્ણનાં નવ પદ્મમાં પદકમલને સ્થાપન કરી; ચારે દિશા મુખ ચાર-ચાર સિંહાસને જે શોભતા,
એવા પ્રભુ અરિહંતને પંચાંગ ભાવે હું નમું.” ૩૦ કેવળજ્ઞાન થયા પછી તીર્થકર નામ કર્મના ઉદયથી પ્રભુનો વૈભવ પ્રગટ થાય છે. અને સમોશરણ જેવા ત્રિગઢની રચના થાય છે. અને જેમાં મણિરત્ન શોભી રહ્યાં છે, અને પ્રભુ સ્વર્ણમય કમળોમાં ચરણ ધરીને જ્યારે આ સમોશરણમાં ચૌમુખી સિહાસને બિરાજે છે અને ભક્તોને ચારે દિશાથી સમાન રૂપનાં દર્શન થાય છે, તેવી અદ્ભુત લીલા પ્રગટ થાય છે. જો કે પ્રભુ સ્વયં આ બધા વૈભવથી નિરાળા છે. ફક્ત જ્ઞાનરૂપી સિંહાસન પર આરૂઢ થયેલા છે. પરંતુ પ્રબળ પુણ્યના ઉદયથી દેહાદિક ભાવો દિવ્ય હોવાથી દ્રવ્યભાવે પણ શ્રીપ્રભુ આવા વજમય સિંહાસન ઉપર આરૂઢ થઈ બધા વૈભવથી નિર્લિપ્ત રહી આત્મજ્ઞાનના બોધનો ધોધ પ્રવાહિત કરે છે. શ્રી આનંદઘનજી મહારાજ સાહેબે ઠીક જ કહ્યું છે કે -
ચરણ કમળ કમલા વસે રે નિર્મળ થિર પદ દેખ,
સમલ અથિર પદ પરિહરે રે પંકજ પામર પેખ.. અર્થાત્ હે પામર જીવ ! તું આવા મલિન પદાર્થમાં મોહિત થઈને વળગી રહ્યો છે. પ્રભુનાં દર્શન કર અને જેનાં ચરણમાં કમળ સ્વયં નિવાસ કરે છે, છતાં તેઓ કેવા નિર્મળ પદમાં બિરાજમાન રહી સ્થિરભાવે, અખંડ ભાવે આત્મસ્મરણ કરી રહ્યા છે. ખરેખર કવિશ્રીએ દ્રવ્ય વૈભવનો ઉલ્લેખ કરી પરોક્ષભાવે પ્રભુને નિર્લિપ્તતાના ભાવદર્શન કરી તેમને વાંદ્યા છે. અસ્તુ..
અરિહંત વંદનાવલી
- - - - ૬૦]
