________________
ગાથા-૩૬ “એ ચૌદ પૂર્વોના રચે છે સૂત્ર સુંદર સાથે જે,
તે શિષ્યગણને સ્થાપતા ગણધર પદે જગનાથ જે; • ખોલે ખજાનો ગૂઢ માનવ જાતનાં હિત કારણે,
એવા પ્રભુ અરિહંતે પંચાંગ ભાવે હું નમું.” ૩૬ દેવાધિદેવ સ્વયં તો સાધના પરિપૂર્ણ કરી પોતાનાં બધાં કાર્યોથી નિવૃત્ત થઈ ગયા છે, અર્થાત્ પૂર્ણસિદ્ધિને પ્રાપ્ત કરે છે. પરંતુ તેઓ ધર્મચક્રી હોવાથી પરંપરામાં એક ઉત્તમ શાશ્વત સંઘની સ્થાપના કરે છે. જેમાં ગણધર પદ મુખ્ય છે. સંઘનો આધાર પ્રબળ જ્ઞાનસાધના છે, જેથી ઉચ્ચ કોટિના ચૌદ પૂર્વના શાન ધારણ ગણધરો શાસન સૂર સંભાળે છે, અને ત્યારબાદ આ પરંપરામાં હજારો સંત દીક્ષિત થાય છે, અને તેઓ નિરંતર મોક્ષમાર્ગ અર્થાત્ જ્ઞાન, દર્શન, ચારિત્ર અને તપની વિશેષ આરાધનાઓ કરે છે. અને નિરંતર ભગવાનની પ્રરૂપણા ધારણ કરી હજારો પ્રશ્નો દ્વારા ઉત્તર મેળવી માનવ જાતિનાં ગૂઢ રહસ્યોને ખોલે છે. આખો સંઘ એક નિરાળી કાર્યપદ્ધતિ અપનાવી ધર્મનો જયઘોષ કરે છે. રાજા, મહારાજાઓ, મોટા ગાથાપતિઓ અને વિશિષ્ટ બુદ્ધિશાળી વિદ્વાન વ્યક્તિઓ પ્રભુની ધર્મસભામાં આવે છે, ત્યારે આશ્ચર્યચકિત રહી જાય છે. ન સાંભળવું હોય તેવું અપૂર્વ શ્રુત સાંભળે છે, ન જોયેલું એવું અપૂર્વ ત્યાગનું દશ્ય જુએ છે, ન અનુભવેલી એવી અપૂર્વ શાંતિ અનુભવે છે. માનો જીવનની એક નવી દિશા મેળવે છે. અને ગણધર મહારાજાઓથી લઈ સામાન્ય તપસ્વી મુનિ સુધી પરસ્પર આજ્ઞાનો આદાન-પ્રદાન વ્યવહાર જોઈ એક વ્યવસ્થિત તંત્રનો અનુભવ કરે છે. જે શત્રુઓ સેનાથી જિતાતા નથી તેવા શત્રુઓ અહીં જિતાય જવાથી જાણે અરિહંત ભગવાનનું પદ સાર્થક બને છે. કવિશ્રી કેમ જાણે આ ધર્મસભામાં દશ્યથી તરબોળ થઈ ગયા હોય તેમ તેનું હૃદય ભીંજાઈ ગયું છે, અને પંચાંગભાવે પ્રભુને વારંવાર વંદના કરવા છતાં હજુ તેમના મનમાં સંતોષ થતો નથી. તેથી આગળ વાંચવા માટે પ્રેરિત થયા છે.
(અરિહંત વંદનાવલી wwwwww wwwwwલ૦૫]
