________________
અનુકૂળ બનીને ઉત્તમ રૂપ કેમ ધારણ કરે છે અને પાપાત્માઓનાં વિકારી પરિણામો અને કર્મોને અનુકૂળ તેવું વિપરીત રૂપ કેમ ધરે છે ? આમ જડચેતનની એક ક્રિયાત્મક મહાગુથ્થી છે, ઉલ્ઝન છે. પ્રશ્નની ગ્રંથિ છે. પરંતુ જુઓ તો ખરા તેના પ્રબળ પુણ્યનો પ્રભાવ ! આશ્ચર્ય ! સિદ્ધના આ પાડોશી જીવોને દેવાધિદેવો સ્વયં મનોમન ઉત્તર આપી દે છે. એમનું સમાધાન કરે છે અને જડ-ચેતન વચ્ચે જે દીવાલ છે, તે આશ્રવ તત્ત્વની છે. જીવના સ્વરૂપ રમણના અભાવે આ દીવાલ સ્વતઃ બની રહે છે. પરંતુ જ્યારે જીવ સંયમશીલ બને ત્યારે તેનું કોઈ માથું નથી, તેના કોઈ હાથ-પગ નથી. જેનું કોઈ શાશ્વત અસ્તિત્વ નથી, તેવાં માયાવી આશ્રવ તત્ત્વો સ્વયં અંત પામી જાય છે, પરિસમાપ્ત થઈ જાય છે, અથવા સ્થાનાંતર કરી જાય છે. હે પુણ્યમય દેવો ! ભગવાન કહે છે કે તમે જે અનુત્તરવિમાનના પુણ્યભાવ ભોગવો છો તે પુણ્યમય ઉજળા આશ્રવ તત્ત્વનું સત્ત્વગુણી માયાનું પરિણામ છે, અને તે સ્વતંત્ર રૂપે તમારા જેવા સમ્યફદૃષ્ટિ જીવને સ્પર્યા વિના તેની સ્થિતિનો પરિપાક થતાં તે ખરી પડે છે. અને તમારા એક ભવનું આયુષ્ય શેષ થતાં તમે સિદ્ધ-બુદ્ધમુક્ત થઈ પરમ તત્ત્વને પામી જાવ છો. પ્રભુનું આ ગુપ્ત કથન અને સૂક્ષ્મવાણી અનુત્તરવાસી દેવોને જે દેવવૈભવ સુખ આપતો નથી, તેના કરતાં અસંખ્ય ગણું અધિક સુખ આપે છે. અને કવિશ્રી આવા સુખ પામતા પરમ ઉચ્ચકોટિના દેવને નિહાળીને તેમનું સમાધાન આપતા અરિહંતોને વાંદવા માટે ઉતાવળા થયા છે. અને ચક્રવર્તી વાસુદેવ ઇત્યાદિનાં સ્થૂલ પૂજનમાં ચિંતનથી એકાએક તેઓ આ અચિંત્ય ગુપ્ત ચિંતનમાં સરી પડતા પંચાંગભાવે તો શું સર્વાગભાવે વંદન કરે છે.
(૦૮
- - - wwwwwww અરિહંત વંદનાવલી)
