________________
Q
આચરણથી જ સાધનાનો માર્ગ સ્થાપિત કરી આદર્શ પૂરો પાડે છે. અને જે અત્યાર સુધી જૈન પરંપરાઓમાં સ્પષ્ટરૂપે જળવાઈ રહ્યો છે. આ ઉપરાંત પણ જૈનઆચારના ખાસ કરીને સાધુ-સાધ્વીના નિયમનાં જે વિધિ-વિધાનો છે, તેનું દેવાધિદેવો યથાર્થ ભાવે પાલન કરી હજારો સાધુ-સંતોને તે માર્ગ પર ચાલવાની સ્વયંપાલિત પ્રેરણા આપે છે. જેથી જ કવિરાજે અહીં સામાન્ય મુનિવરોના આચાર-વિચારને તીર્થંકર દેવાધિદેવોના સહજ ઉદ્ભવતા શુદ્ધ આચાર રૂપે વર્ણવીને તેઓ સ્વયં ક્રિયા પાળીને પળાવે છે, તેવો આદર્શ અભિવ્યક્ત કર્યો છે. અન્યથા ‘પરોપદેશે પાંડિત્યમ્'નો દોષ સમાજમાં પ્રસિદ્ધ છે. પરંતુ અહીં દેવાધિદેવોની ઈમાનદારી ભરેલી ધિકતી પેઢી છે, જેમાં સ્વયં પોતે બધા આદર્શોનું પાલન કરી વિશ્વને ઉચ્ચ કોટિના સંયમ-નિયમના આદર્શોનો અનુભવ કરાવે છે. તેથી અહીં કવિ આ આદર્શભાવને મનમાં રાખી અરિહંતોની મહાનતાને બિરદાવી જાણે પોતે એક-એક સમિતિને એક-એક અંગથી નમસ્કાર કરતા હોય તેમ પંચાંગભાવે પ્રભુની પાંચે સમિતિઓને અરિહંતરૂપે વંદન કરી ધન્ય બની ગયા છે.
અરિહંત વંદનાવલી
૫૧
