Agam 04 Ang 04 Samvayang Sutra Shwetambar

Author(s): Purnachandrasagar
Publisher: Jainanand Pustakalay

Page 15

www.kobarth.org
Acharya Shri Kalassagarsuri Gyanmandir
अत्यंगइया भवसिद्धिया जीवा जे दोहिं भवग्गहणेहिं सिन्झिस्संति जाव सव्वदुक्खाणमंतं करिस्संति । २ । तओ दंडा पं०० - मणदण्डे वयदंडे कायदंडे, तओ गुत्तीओ पं०२० -मणगुत्ती वयगुत्ती कायगुत्ती, तओ सल्ला पं०० -मायासल्ले नियाणसल्ले मिच्छादसणसल्ले, तओ गारवा पं०२० -इद्धीगारवे रसगारवे सायागारवे, तओ विराहणा पं०० -नाणविराहणा दंसणविराहणा चरित्तविराहणा, मिगसिरनक्खत्ते तितारे पं०, पुस्सनक्खत्ते तितारे पं०, जेद्वानक्खत्ते तितारे पं०, अभीइनक्खत्ते तितारे पं०, सवणनक्खत्ते तितारे पं०, अस्मिणिनक्खत्ते तितारे पं०, भरणीनक्खत्ते तितारे पं०, इभीसे णं रयणप्पभाए पुढवीए अत्थेगइयाणं नेरइयाणं तिन्नि पलिओवमाई ठिई पं०, दोच्चाए णं पुढवीए नेरइयाणं उक्कोसेणं तिण्णिसागरोवमाई ठिई ५०, तच्चाए णं पुढवीए नेरइयाणं जहण्णेणं तिणि सागरोवमाई ठिई पं०, असुरकुमाराणं देवाणं अत्थेगइयाणं तिण्णि पलिओवमाई ठिई ५०, असंखिजवासाउयसनिपंचिंदियतिरिक्खजोणियाणं उक्कोसेणं तिणि पलिओवभाई ठिई ५०, असंखिज्जवासाउयसन्निगब्भववंतियमणुस्साणं उक्कोसेणं तिण्णि पलिओवभाई ठिई पं०, सोहम्भीसाणेसु कप्पेसु अत्थेगइयाणं देवाणं तिण्णि पलिओवमाइं ठिई पं०, सणंकुमारमाहिंदेसु कप्पेसु अत्थेगइयाणं देवाणं तिण्णिसागरोवमाई ठिई पं०,जे देवा आभंकर पभंकर आभंकरपभंकर चंदं चंदावत्तं चंदप्यभं चंदकंतं चंदवण्णं चंदलेसं चंदज्झ्यं चंदसिंगं चंदसिटुं चंदकूडं चंदुत्तरवडिंसगं विमाणं देवत्ताए उववण्णा तेसिंणं देवाणं उक्कोसेणं तिण्णिसागरोवमाई ठिई ५०, तेणं देवा तिण्हं अद्धमासाणं आणभंति वा ४ तेसिंणं देवाणं उक्कोसेणं तिहिं वाससहस्सेहिं आहारद्धे समुप्पजइ, संतेगइया || श्रीसमवायाङ्ग सूत्र ॥
पू. सागरजी म. संशोधित