Agam 04 Ang 04 Samvayang Sutra Shwetambar

Author(s): Purnachandrasagar
Publisher: Jainanand Pustakalay

Page 72

| । ९५ । एगमेगस्स णं रन्नो चाउरंतचक्कवट्टिस्स छण्णउई छण्ण्उई गामकोडीओ होत्था, वायुकुमाराणं छण्णउई भवणावाससयसहस्सा पं०, ववहारिए णं दंडे छण्णउई अङ्गलाई अंगुलमाणेणं, एवं धणू नालिया जुगे अक्खे मुसलेऽवि हु, अब्भितरओ आइभुहुत्ते छण्णउइअंगुलछाए पं० । ९६ । मंदरस्स णं पव्वयस्स पच्चच्छिमिल्लाओ चरमंताओ गोथूभस्स णं आवासपव्वयस्स पच्चच्छिमिल्ले चरमंते एस णं सत्ताणउई जोयणसहस्साई अबाहाए अंतरे पं०, एवं चउदिसिंपि, अट्ठण्हं कम्मपगडीणं सत्ताणउई कम्मपगडीओ पं०, हरिसेणे णं राया चाउरंतचक्कवट्टी देसूणाई सत्ताणउई वाससयाई अगारमज्झे वसित्ता मुंडे भवित्ताणं जाव पव्वइए । ९७ । नंदणवणस्स णं उवरिल्लाओ चरमंताओ पंडुयवणस्स हेट्ठिल्ले चरमंते एस णं अट्ठाण्उड जोयणसहस्साइं अबाहाए अंतरे पं०, मंदरस्स णं पव्वयस्स पच्चच्छिमिल्लाओ चरमंताओ गोथूभस्स आवासपव्वयस्स पुरच्छिमिल्ले चरमंते एस णं अट्ठाणउई जोयणसहस्साइं अबाहाए अंतरे पं०, एवं चउदिसिंपि, दाहिणभरहस्स णं धणुष्पिट्टे अट्ठाणउई जोयणसयाई किंचूणाई आयामेणं पं०, उत्तराओ कट्ठाओ सूरिए पढमं छम्मासं अयमाणे एगूणपन्नासतिमे मण्डलगते अद्वाणउई एकसद्विभागे मुहुत्तस्स दिवसखेत्तस्स निवुड्ढेता स्यणिखेत्तस्स अभिनिवुट्टित्ताणं सूरिए चारं चरड़, दक्खिणाओ णं कट्ठाओ सूरिए दोच्चं छम्मासं अयमाणे एगूणपन्नासइमे मंडलगते अट्ठाणउई एकसट्टिभए मुहुत्तस्स रयणिखित्तस्स निवुड्ढेत्ता दिवसखेत्तस्स अभिनिवुढित्ताणं सूरिए चारं चरड़, रेवईपढमजेद्वापज्ज वसाणाणं एगूणवी गाए नक्खत्ताणं अट्ठाणउई ताराओ तारग्गेणं पं० । ९८ । मंदरे णं पव्वए णवणउई जोयणसहस्साई उड्ढ उच्चत्तेणं पं०, नंदणवणस्स णं पुरा च्छभिल्लाओ
॥ श्रीसमवायाङ्ग सूत्रं ॥
पू. सागरजी म. संशोधित
६१