Agam 04 Ang 04 Samvayang Sutra Shwetambar

Author(s): Purnachandrasagar
Publisher: Jainanand Pustakalay

Page 105

वासे इमी से ओसम्पिणीए बारस चक्कवट्टिपियरो होत्या, तं० - उसमे सुमित्ते विजए समुद्दविजए य आससेणे य। विस्ससेणे य सूरे सुदंसणे कत्तवीरिए य ॥ १२० ॥ पउमुत्तरे महाहरी, विजय राया तहेव य । बंभे बारसमे उत्ते, पिउनामा चक्कवट्टीणं ॥ १२१ ॥ जंबुद्दीवे० भारहे वासे इमीसे ओसप्पिणीए बारस चक्कवट्टिमायरो होत्या, तं० - सुमंगला जसवती भद्दा सहदेवी अइरा सिरिदेवी तारा जाला मेरा वप्पा चुल्लणि अपच्छिमा, जंबुद्दीवे. बारस चक्कवट्टी होत्या, तं० - भरहो सगरो मघवं सणकुमारो य रायसद्दूलो । संती कुंथू य अरो हवइ सुभूमो य कोरव्वो ॥ १२२ ॥ नवमो य महापउमो हरिसेणो चेव रायसद्दूलो । जयनामो य नरवई बारसमो बंभदत्तो य ॥ १२३ ॥ एएसिं बारसण्हं चक्कवट्टीणं बारस इत्थिरयणा होत्या, तं० - पढमा होइ सुभद्दा भद्द सुणंदा जया य विजया या किण्हसिरी सूरसिरी पउमसिरी वसुंधरा देवी ॥ १२४ ॥ लच्छिमई कुरु मई इत्थीरयणाण नामाई ॥ जंबुद्दीवे० नवबलदेवनववासुदेवपितरो होत्था, तं० पयावई य बंभो सोमो रुद्दो सिवो महासिवो य । अग्गिसिहो य दसरहो नवमो भणिओ य वसुदेवो ॥ १२५ ॥ जंबुद्दीवे गं० णव वासुदेवमायरो होत्था, तं० - मियावई उमा चेव पुढवी सीया य अम्मया । लच्छिमई सेसमई, केकई देवई तहा ॥ १२६ ॥ जंबुद्दीवे णं० णव बलदेवमायरो होत्था, तं०-भद्दा तह सुभद्दा य, सुष्पभा य सुदंसणा । विजया वेजयंती य, जयंती अपराजिया ॥ १२७ ॥ णवमीया रोहिणी य, बलदेवाण मायरो ॥ जंबूद्दीवे गं० नव दसारमंडला होत्था, तं० उत्तमपुरिसा मज्झमपुरिसा पहाणपुरिसा ओयंसी तेयंसी वच्छंसी जसंसी छायंसी कंता सोमा सुभगा पियदंसणा सुरूवा सुहसीला सुहाभिगमा सव्वजणणयणकंता ओहबला अतिबला
-
॥ श्रीसमवायाङ्ग सूत्रं ॥
९४
पू. सागरजी म. संशोधित