Agam 04 Ang 04 Samvayang Sutra Shwetambar

Author(s): Purnachandrasagar
Publisher: Jainanand Pustakalay

Page 45

चरइ,
सावणसुद्धसत्तमीसु णं सूरिए सत्तावीसंगुलियं पोरिसिच्छायं णिव्वत्तइत्ताणं दिवसखेत्तं नियट्टेमाणे रयणिखेत्तं अभिणिवट्टमाणे चारं | इमी से णं रयणप्पभाए पुढवीए अत्थेगइयाणं नेरइयाणं सत्तावीसं पलिओवमाई ठिई पं०, अहेसत्तमाए पुढवीए अत्थेगइयाणं नेरइयाणं सत्तावीसं सागरोवमाई ठिई पं० असुरकुमाराणं देवाणं अत्थेगइयाणं सत्तावीसं पलिओवमाई ठिई पं०, सोहम्मीसाणेसु कप्पेसु अत्थेगइयाणं देवाणं सत्तावीसं पलिओवमाई ठिई पं०, मज्झिमउवरिमगेवेज्जयाणं देवाणं जहण्णेणं सत्तावीसं सागरोवमाइं ठिई पं०, जे देवा मज्झिमगेवेज्जयविमाणेसु देवत्ताए उववण्णा तेसिं णं देवाणं उक्कोसेणं सत्तावीसं सागरोवमाई ठिई पं०, ते णं देवा सत्तावीसाए अद्धमासेहिं आणमंति वा०, तेसिं णं देवाणं सत्तावीसवाससहस्सेहिं आहारट्टे समुष्पज्जइ, संतेगइया भवसिद्धिया जीवा जे सत्तावीसाए भवग्गहणेहिं सिज्झिस्संति० । २७ । अट्ठावीसविहे आयारपकप्पे पं०त० - मासिआ आरोवणा सपंचराइमासिया आरोवणा सदसराइमासिआ आरोवणा सपंचदस० सवीस० सपचवीस० एव० चेव दोमासिआ आरोवणा सपंचराइदोमासिया आरोवणा० एवं तिमासिआ आरोवणा० चउमासिया आरोवणा० उग्घाइया आरोवणा अणुग्धाइया आरोवणा कसिणा आरोवणा अकसिणा आरोवणा, एतावताव आयारपकथ्ये एतावताव आयरियव्वे, भवसिद्धियाणं जीवाणं अत्थेगइयाणं मोहणिज्जस्स कम्मस्स अट्ठावीस कम्मंसा संतकम्मा पं० तं० सम्मत्तवेअणिज्जं मिच्छत्तवेयणिज्जं सम्ममिच्छत्तवेयणिज्जंसोलस कसाया णव णोकसाया, आभिणिबोहियणाणे अट्ठावीसइविहे पं० तं० सोइंदियअत्थावग्गहे चक्खिंदिय अत्थावग्गहे घाणिंदिय अत्थावग्गहे जिम्मिदिय अत्थावग्गहे फासिंदिय अत्थावग्गहे पू. सागरजी म. संशोधित
॥ श्रीसमवायाङ्ग सूत्रं ॥
३४