Agam 04 Ang 04 Samvayang Sutra Shwetambar

Author(s): Purnachandrasagar
Publisher: Jainanand Pustakalay

Page 31

www.kobatirth.org.
|णंदकूडं णंदुत्तरवडिंसगं विमाणं देवत्ताए उववण्णा, तेसिं णं देवाणं उक्को सेणं पण्णरस वागरोवमाई टिई पं०, ते णं देवा पण्णरसण्हं | अद्धमासाणं आणमंति वा०, तेसिं णं देवाणं पण्णरसहिं वाससहस्सेहिं आहारट्ठे समुष्पज्जइ, संतेगइआ भवसिद्धिआ जीवा जे पन्नरसहिं भवग्गहणेहिं सिज्झिस्संति जाव सव्वदुक्खाणमंतं करिस्संति । १५ । सोलस य गाहासोलसगा पं० नं० -समए वेयालिए उवसग्गपरिन्ना इत्थीपरिण्णा निरयविभत्ती महावीर थुई कुसीलपरिभासिए वीरिए धम्मे समाही मग्गे समोसरणे आहातहिए गंथे जमईए गाहासोलसमे सोलसगे, सोलस कसाया पं० नं० - अनंताणुबंधी कोहे अणंताणुबंधी माणे अणंताणुबंधी माया अणंताणुबंधी लोभे अपच्चक्खाणकसाए कोहे अपच्चक्खाणकसाए माणे अपच्चक्खाणकसाया माया अपच्चक्खाणकसाए लोभे पच्चक्खाणावरणे कोहे पच्चक्खाणावरणे माणे पच्चाक्खाणावरणा माया पच्चक्खाणावरणे लोभे संजलणे कोहे संजलणे माणे संजलणा माया संजलणे लोभे, मंदरस्स णं पव्वयस्स सोलस नामधेया पं०नं० - मंदर मेरु मणोरम सुदंसण सयंपभे य गिरिराया । रयणुच्चय पियदंसण मज्झे लोगस्स नाभी य | ॥१४ ॥ अत्थे अ सूरिआवत्ते, सूरिआवरणेत्ति अ । उत्तरे अ दिसाई अ, वडिंसे इअ सोलसमे ॥ १५ ॥ पासस्स णं अरहतो पुरिसादाणीयस्स सोलस समणसाहस्सीओ उक्कोसिआ समणसंपदा होत्था, आयष्यवायस्स णं पुव्वस्स णं सोलस वत्थू पं०, चमरबलीणं उवारियालेणे सोलस जोयणसहस्साइं आयाभविक्खंभेणं पं०, लवणे णं समुद्दे सोलस जोयणसहस्साइं उस्सहपरिवुड्ढीए पं० - इमीसे णं रयणप्पभाए पुढवीए अत्थेगइआणं नेरइयाणं सोलस पलिओवमाई ठिई पं०, पंचमीए पुढवीए अत्थेगइयाणं नेरइयाणं सोलस सागरोवमाइं विती पू. सागरजी म. संशोधित
॥ श्रीसमवायाङ्ग सूत्रं ॥
२०