Updeshpad Mahagranth Satik Part 01

Author(s): Jinendrasuri,
Publisher: Harshpushpamrut Jain Granthmala

Page 337

।।३२९॥
माणसब्विदियत्थवग्गोऽवि । न लहामि तं सरंतो इहं रइं कत्थइ पयत्थे ॥२२॥ विट्ठाकोटगकिमिओ कहिंचि लद्ध नरत्तणं रम्मं । पुणरवि तट्ठाणगओ जहाहियं दुक्खमणुहवई ॥२३।। तह सुरलोगाओ अहं इहागओ सुमरिऊण तच्चरियं । अच्चंतुव्विग्गमणो न निव्वुई किंचिवि लहामि ॥२४॥ ता मे कुणसु पसायं पबज्जादाणओ तयणु चेव। नियहत्थाओ अणसणदाणेण तओ गुरु भणइ ॥२५॥ पुच्छामि सत्थवाहिं . भई तह परियणं कलत्ताई। अञ्चंतमुस्सुओऽह न सहामि विलंबिउं किंचि ॥२६।। कालाणुवत्तणाओ तह सुत्तप्परिणईपमाणाओ । मा होउ सयं पडिवन्नसाहुनेवत्थओ एस ॥२७॥ तक्खणमेव विदिन्ना दिक्खा तह अणसणं निरागारं । सुद्धोवओगगुरुणा सयमेव सुहत्थिणा गुरुणा ॥२८॥ कंथारतरुकुडंगे तव्वेलं चिय गमो कओ तेणं । इंगियदेसनिविट्टो दिट्टो तग्गयसियालीए ॥२९॥ नियपेल्लएहि सजोसंजाएहिं समन्नियाएँ तओ । अहियं छुहाकिलंता लग्गा सा एगजाणुम्मि । ३०।। बीयम्मि पेल्लगाई पहरम्मि दुइज्जगम्मि रयणीए। तइयम्मि दोसु ऊरुसु चउत्थए उदरदेसम्मि ॥३१॥ स महप्पा मेरुगिरिव्व निचलो नियसमाहिलाभम्मि । | एत्तो चिय नियदेहा अप्पाणं भिन्नमिच्छंतो ॥३२॥ इहलोगे परलोगे अप्पडिबद्धो वयाओ एयाओ। जे होइ तं सयं चिय सग्गा मोक्खा व फलमत्थु ।।३३।। उदरप्पएसभक्खणसमए मरिउ स लिणिगुम्मम्मि । देवत्तणमणुपत्तो तत्थ विभूई पभूई च ॥३४।। दुक्करविणिग्गहाओ णलिणीगुम्माभिलासलेसाओ । भूरिकयमोक्खकंखापक्खोवि तहिं स संजाओ ॥३५।। जइ पुण तदेगचित्तो सो होज मओ कहं महरिसित्ति । पढिओ घडेज सत्यंतरेसु वुत्तं जओ एवं ॥३६॥ दुक्करमुद्धोसकरं अवंतिसुकुमालमहरिसीचरियं । कप्पावि नाम तह तज्जइत्ति अच्छेरयं एयं ।।३७।। अञ्चतुवगारकरं सरीरमेयंति
।।३२९॥