Updeshpad Mahagranth Satik Part 01

Author(s): Jinendrasuri,
Publisher: Harshpushpamrut Jain Granthmala

Page 414

श्रीउपदे- शपदे
ज्ञानगर्भमंत्रिनिद-शनम्
॥४०६॥
सणत्थो जहा किमिह ।।१२।। कस्साऽपुव्वं होही मुहं च दुक्खं च थोवदिणमझे ? । तो तेणटुंगनिमित्तसत्थविउणा भणियमेयं ।।१३॥ दोसं जामि न सामिय ! साहंतो सत्थभणियमत्थमिहं । सच्छंदत्तविरहिओ तुब्भेहि पुच्छीओ संतो ॥१४।। जो एस तुम्ह मंतीपंतीण सिरोमणित्तणं पत्तो । तस्स सकुलस्स मारी उवट्ठिया अत्थि अईघोरा ॥१५।। (राजा-) केत्तियकालस्संतो सा तुमए निच्छिया भविस्संती। (नैमित्तिकः-)ना वरिसाओ न मासाओ किंतु एयाओ पक्खाओ ॥१६।। आरेण तओ वजाह्यव्व सव्वा सहा खणा चेव । सावाहा तुहिक्का थक्का मंती तओ ज्झत्ति ।।१७। ताओ सहादेसाओ विणिग्गओ धीरमाणसो धणियं । केणइ अलक्खिओ आणवेइ नेमित्तियं सगिहे ॥१८॥ कयगरुथगोरवो वत्थपुप्फवरभोयणाइदाणेण । बहुपणयपुव्वसंभासणाओ संपन्नसंतोसो ॥१९॥ ठाउं पइरिक्ककारणाउ कत्तो भविस्सई एसा । इय पडिपुट्ठो भणियं जहा इओ जेट्टपुत्ताओ ।।२०।। (मंत्री-)को पञ्चओ इमा जं होही नियमेण मज्झ सकुलस्स? । (नैमित्तिक:-) अमुगदिवसम्मि सुमिणो असुंदरो निसि तुमं होही ।।२१।। एवमुवलद्धसारो कजस्स स पूइऊण देवण्णुं । परमायरेण वारेइ सव्वहा नो पयासमिमं ॥२२॥ कायव्वमुवगए नियपएसमह तम्मि अन्नदिवसम्मि । दिट्टो सुमिणो जह मज्झमंदिरं धूमजालाहि ॥२३॥ अइबहलतिमिरनिउरबसामलाहि समंतओ ठइउं । ता मंतिणा सपच्चयमुत्तं तं पुत्तकुलमूलं ॥२४।। जोइसविऊहि तज्जम्मकालमिलिएहिं सुठ्ठ पण्णत्तो। इण्हि पुण तप्पलओ | हुँतो दीसइ तुमाहितो ॥२५।। सुविसुद्धबुद्धिपुव्वं वट्टिजऊ ताव पक्खमिममेगं । जइ नाम वसणमेयं उवट्ठियं कहवि वंचेमो ॥२६।। को वा तहा मईए इमाए मे सयल जयपसिद्धाए । होजा गुणो ण खलणं करेमि जइ अस्स वसणस्स?
I४०६॥