Updeshpad Mahagranth Satik Part 01

Author(s): Jinendrasuri,
Publisher: Harshpushpamrut Jain Granthmala

Page 433

॥४२५॥
जहन्नओ जाओ । तो अम्हाण ण मरणं मोत्तूण परा गई अत्थि ||३७||
लग्गा गंतुं दाहिणदिसाए देसंतरं गया दूरं । दिट्ठो गिरी महंतो एगो तत्थारुहंतेहि ||३८|| एगाए सिलाए तले ओलंबियभुजुगो विगिट्ठतवा । दिट्ठो महामुणी का उसग्गपरिसंठिओ तेहि ||३९|| सप्पणयं च पणमिओ तेणावि य ज्झाणपरिसमत्तीए । अइमहुरगहीरसरेण सायरं धम्मलाभेण ||४०|| आनंदिया य पुट्ठा य किंनिमित्तं इहागया तुभे । कहिओऽभिप्पाओ जह इमम्मि सेलम्मि मरणकए ॥ ४१ ॥ सव्वाहमाओ चंडालजाईओ जं. दढं समुव्विग्गा लद्धावि गुणा दोसीभूया जहा हम्हाणं ॥ ४२ ॥ भणिया मुणिया न भवन्तरेवि कल्लाणमप्पघाईण । अत्थि न जुत्तो तम्हा मणोरहो एस तुम्हाण ।।४३।। सयलभवदुक्खवाहिविरेयणोसहसमं जिणिदमयं । धम्मं कुणह समीहियसिद्धीए कप्परूक्खव ||४४|| तो मुणिवराओ ताओ मुणिदिवखा लग्गिओवलद्धा य । जम्हा ते तेण तया तदुचियभावेण परिकलिया ||४५ || कालक्कमेण जाया गीयत्था छट्टमाइतवनिरया । अनिययविहारचरियापरायणा गयउरम्मि गया ||४६ || बहिरुञ्जाणम्मि ठिया मासक्खवणस्स पारणगदिवसे । संभूओ तत्थ गओ भिक्खट्ठा नयरमज्झम्मि ||४७ || गेहाणुगेहमिरियासमिओ हिडंतओ पहा - पडिओ। सचिवेणेसो दिट्ठो णमुइयणामेण तेण तओ || ४८ || नाओ चंडालसुओ जह सो एसो भए अजसस्स । नियपुरिसपेसणेणं पच्छन्नं हंतुमारो ।। ४९ ।। तवसासियतणुणो निरवराहचरियस्स हंममाणस्स । कोवाणलेा पजलिओ तस्सुज्झियधम्मकज्ञ्जस्स ।। ५० ।। पढमम्मि पाउसे जहा नहम्मि घणमंडलाई रेहति । तह तस्स वयणकुहरा विणिया धूममालाओ ॥ ५१ ॥ उद्दंडा तडिदंडा घणेसु जह सव्वओ विसप्पति । तह तेउलेसदेसा वियंभिया धूममालासु
॥४२५॥