Updeshpad Mahagranth Satik Part 01

Author(s): Jinendrasuri,
Publisher: Harshpushpamrut Jain Granthmala

Page 375

॥३६७॥
EXXXXXXXXXXXXXKkkkkk
इएहि संघट्टियस्स दढं ॥९५॥ अच्छिनिमीलणमेत्तंपि नेव जायं निसाए चिंतेइ । जइया गिहवासगओ सगउरवो आसि एएसि ।।९६।। इण्हि वितण्हचित्ता एवमिमे परिभवंति मं मुणिणो । तो दुक्करं मुणित्तणमसक्कणिज्जं ममं भाइ ॥९७।। पुच्छित्ता भयवंतं पभायसमए गिहं पुणो जामि । अह साहूहि समेओ सूरुग्गमणे जिणसयासे ।।९८।। भतीए वंदित्ता सामि ठाणे नियम्मि उवविट्ठो। संभासिओ य अरहा जह मेह ! इमेरिसो राओ ।।९९।। जाओ मणे वियप्पो जह गेहमईमि नेव ते जोग्गं । चितेउमिमं जं तं तइयभवे कुंजरो आसि ॥१०॥
एत्थेव भरहवासे वेयड्ढगिरिस्स पायमूलम्मि । वणवासिकयसुमेरुप्पहनामो पुन्नसव्वंगा ।।१०१॥ जूहसहस्साहिवई निच्चं चिय रइपसत्तचित्तो य । कलभेहि कलभियाहि य अञ्चंतमणप्पियाहि समं ।१०२॥ गिरिकुहरेसु वणेसुं नईसु तह उज्झरेसु सरसीसु । अखंडचंडभावो आहिंडंतो अह कयाइ ।।१०३।। पत्तम्मि गिमकाले खरेसु फरुसेसु दारूणेसु तहा। उच्छलियातुच्छरओभरेसु वाएसु सव्वत्तो ॥१०४।। वायंतेसु परोप्परसंघरिसाभासुरं तरुगणेसु । दावानलमुप्पन्न पाससि पलयानल सरिच्छं ॥१०५।। डझंतेसु वणेसुं सरणविहीणे पलायमाणे य। सव्वम्मि सावयगणे भीमारवभरियभुवणयले ॥१०६।। बहु धूमधूमलासुं दिसासु वणवण्हिणा समारद्धे। सव्वम्मि भासरासि काउ' तणकट्ठनियरम्मि ।।१०७।। तज्जालावलिदूमियदेहो संकुचियघोरकरपसरो। उम्मुक्कभेरवरवो च्छडुतो लिंडपिंडेय ।।१०८।। छिदंतो वल्लिवियाणगाइ तण्हापरद्धसव्वंगो। परिचत्तजूहतत्ती पलायमाणो सरं एकं ॥१०९॥ पत्तो अइतुच्छजलं कद्दमबहुलं अतित्थमोइन्नो । तत्थ जलमलभमाणो पंके खुत्तो अचायतो ॥११०॥ चलिउं पयमेत्तं पि हु दिट्ठो निव्वासिएण एकेण । तरुणकरिणा
*||३६७||