Nandanvan Kalpataru 2002 00 SrNo 08

Author(s): Kirtitrai
Publisher: Jain Granth Prakashan Samiti

Page 9

वाचकानां प्रतिभावः
महेश्वरः रमानाथः द्विवेदी
B.A.M.S., M.A. (संस्कृत) * जाम- वनस्थली, पीन-३६११३०
दिनांक : ३०-१२-०१
भानुवासरः।
पूज्यश्रीविजयशीलचन्द्रसूरिमहोदयाः,
प्रणामैः सह निवेद्यते यत् -
भवतः अयनपत्रस्य एकः अङ्कः अवलोकितः, पठितश्च । मनसि अतीव आनन्दः सञ्जातः । अनिलः द्विवेदी (जामनगरस्थः) मम अग्रजोऽस्ति । तस्य गृहम् एतदयनपत्रम् आगच्छति । तत्रैव अङ्कः पठितः।
अहं तु चिकित्सकः अस्मि । वरणानामके ग्रामे मम चिकित्सालयः अस्ति । संस्कृतम् अतीव रोचते मह्यम् । संस्कृतं प्रति अनुरागकारणात् प्रतिदिनं किञ्चित् संस्कृतं परिचयार्थं पठामि । भवतः अयनपत्रे ये वैविध्यपूर्णाः । विभागाः सन्ति ते सर्वे नन्दनवनकल्पतरोः कुसुमानि फलानि इव प्रतिभाति । अयनपत्रीयाः अनेकाः शुभकामनाः।