________________ પિછાણ સાચી પૂર્ણતાની સ્વરૂપનો જેમ ઉઘાડ થતું જાય તેમ પૂર્ણતા પ્રાપ્ત થતી જાય, અને એમ કરતાં સંપૂર્ણતયા નિજ સ્વરૂપને ઉઘાડ થઈ જાય ત્યારે આપણે પૂર્ણ બની જઈએ. તે વાત આવી આત્માના ગુણના પ્રકટીકરણ પર. હા, પ્રકટીકરણ. આપણું અનંત જ્ઞાન આદિ ગુણો આવરાઈ ગયેલા છે, કર્મના વાદળથી ઢંકાઈ ગયેલા છે તેમને ખુલ્લા કરવાના છે. તેથી જ કહ્યું કે, “સચ્ચિદાનંદપૂણેન, પૂર્ણ જગદવેશ્યતે.” સત્ (શાશ્વતતા), ચિત્ (જ્ઞાન) અને આનન્દ વડે પૂર્ણ ભગવન્ત આપણનેય પૂર્ણ દેખે છે; કારણકે આપણી દેખીતી અપૂર્ણ દશા - વિભાવ દશાને પેલે પાર ચમકતી પૂર્ણ દશા-સ્વભાવ દશાને તેઓ નિહાળી રહ્યા છે. સચ્ચિદાનંદપૂણેન.” સત, ચિત્, આનંદથી પૂર્ણ એવા પરમાત્માના ગુણોને નજર સમક્ષ રાખી આપણું ગુણેને આપણે પ્રગટ કરવા છે. પરમાત્માની સ્તુતિ કરતાં સાધક ઘણીવાર કહે છે : આવિરભાવથી તુજ સયલ ગુણ માહરે, પ્રછન્ન ભાવથી જોય ! હે પ્રભુ! તમારી પાસે જે ગુણ આવિર્ભીત - પ્રગટ થયેલ છે, તે બધા જ મારી પાસે છે; પણ એ ઢંકાયેલા છે ! એ ગુણેને પ્રગટ કરવા માટે શું કરવું ? સત્, ચિત, આનંદનું ઊંડું ચિન્તન, સચ્ચિદાનન્દપૂર્ણ બનવા માટે યોગ્ય ભૂમિકા પૂરી પાડે છે.
