________________ જ્ઞાનસાર પ્રવચનમાળા મહામહોપાધ્યાય શ્રીમદ્દ યશોવિજય મહારાજાએ સાચી પૂર્ણતા કઈ એ પર પ્રકાશ ફેંકવા સાથે પ્રાણીઓની અપૂર્ણતા શી રીતે દૂર થાય એ વિશે અદ્દભૂત સમજ આપી છે. - પેલા તણાવની જ વાત કરીએ તે, ગ્રન્થકારે એ તણાવના મૂળ કારણને બહુ માર્મિક રીતે આપણી સમક્ષ ઉદ્દઘાટિત કર્યું છે. સામાન્ય લેકેની સમજ હોય છે કે, પિોતે જેની ખેવના - કામના રાખી રહ્યો છે એ પદાર્થ કે વ્યક્તિ ન મળવાથી પિતે અપૂર્ણતા - અધૂરાશ અને પરિણામે દુખ અનુભવે છે. ગ્રન્થકાર કહે છે કે, તમેય જે આવું જ માનતા હે તો તમે અપૂર્ણતાનું પગેરું શોધી શક્યા નથીપદાર્થનું કે વ્યક્તિનું ન મળવું એ અપૂર્ણતાનું ને પરિણામે દુખનું કારણ નથી; પણ એ પદાર્થને મેળવવાની ઈચ્છા જાગવી એ જ અપૂર્ણતાનું ને દુખનું કારણ છે. આ વાતને આગળ પર જુદા જુદા ઉદાહરણથી જુદા જુદા પરિપ્રેક્ષ્ય - પકટિવમાં જઈશું. (૪થા પમા અને દડ્રા પ્રવચનમાં તથા આગળ આ વિષયને ચર્ચા છે.) - અત્યારે તે સાચી પૂર્ણતા એટલે શું એ જોઈ એ. સાચી પૂર્ણતા કઈ? અનંત જ્ઞાન, અનંત દર્શન, અનંત ચારિત્ર આદિ આત્માના ગુણનું પૂર્ણતયા પ્રકટીકરણ તે જ સાચી પૂર્ણતા. ન ધન વડે સાચી પૂર્ણતા મળે, ને સત્તા વડે એ સાંપડે, ન દુન્યવી કઈ પદાર્થ વડે એ ખરીદી શકાય ! નિજ
