________________
૧૬
શ્રી દેવચંદ્રજી કૃત ચોવીશી ભાગ : ૨
છે. તે સંપત્તિ આ આત્માને પ્રગટ થાય છે. માટે ભાવચિંતમણિરત્ન તુલ્ય છે.
એટલું જ નહીં, પરંતુ આ વીતરાગ પરમાત્મા જ આપણા પોતાના આત્માનું સર્વકર્મ રહિત એવું મુક્તિસુખ આપવામાં પરમ સાધન ભૂત છે. આ પરમાત્માના આલંબનથી જ આ જીવ મુક્તિસુખ પ્રાપ્ત કરે છે. તે માટે મૂલભૂત વસ્તુનુ સ્વરૂપાત્મક તત્ત્વ પ્રાપ્ત કરવાના આલંબનમાં આ વીતરાગ પરમાત્માની મૂર્તિ એ જ પરમકારણ છે. શ્રેષ્ઠ કારણ છે. એનું આલંબન લેવાથી આત્માનું જે વાસ્તવિક શુદ્ધ સ્વરૂપ છે. તે સ્વરૂપ આ જીવ પ્રગટ કરી શકે છે. । ૩ ।।
જાએ હો પ્રભુ, જાએ આશ્રવ ચાલ,
દીઠે હો પ્રભુ, દીઠે સંવરતા વધે જી રત્ન હો પ્રભુ રત્નત્રયી ગુણમાલ,
અધ્યાતમ હો પ્રભુ અધ્યાતમ સાધન સઘેજી ॥ ૪ ॥
ગાથાર્થ :- ૫રમાત્માને દેખે છતે આ આત્મામાં કર્મો આવવાની આશ્રવની ચાલ દૂર ચાલી જાય છે. અને આવતાં કર્મોને રોકવાની સંવરની ચાલની વૃદ્ધિ પામે છે. તથા સમ્યજ્ઞાન સમ્યગ્દર્શન અને સમ્યક્ચારિત્ર આ રત્નત્રયી સ્વરૂપ ગુણોની બનેલી માલાની તથા અધ્યાત્મ દશાની સાધના સિદ્ધ થતી જાય છે. | ૪ ||
વિવેચન :- આ વીતરાગ પરમાત્માનું દર્શન માત્ર પણ કેટલું પ્રભાવક છે કે જે આ આત્માની અનાદિની મોહમય જે ચાલ છે તે સઘળી ચાલને પરમાત્માનું દર્શન બદલી નાખે છે.
અનાદિકાળથી આ જીવ મોહદશાથી ઘેરાયેલો છે અને તેના કારણે સમયે સમયે આ જીવમાં કર્મોનું આગમન (આશ્રવ અને બંધ) થયા જ કરે છે. કર્મોથી ભારે ભારે થયેલો આ જીવ નરક અને
