________________
શ્રી કુંથુનાથ પરમાત્માનું સ્તવન
૭૩
છે આવી મને પાકી રૂચિ થઈ છે તેથી સાંસારિક ભાવોથી વૈરાગ્ય થયો છે. હે પરમાત્મા ! તમને ભાવથી વંદના કરીને મારા પોતાના આત્માના કલ્યાણ માટે મા૨ી જ ગુણસંપત્તિ મને પ્રગટ થાઓ એવું હું આપશ્રીની પાસે માગું છું. મારા ઉપર કૃપા કરો, ના ! કૃપા કરો.
| ૯ ||
વિવેચન :- હે વીતરાગ પરમાત્મા ! જો કે તમે તો કેવલજ્ઞાની છો એટલે બધું જ જાણો છો છતાં હું મારા મનોરથો આપશ્રીને કહું છું.
અનંતજ્ઞાન, અનંતદર્શન, અનંત અવ્યાબાધ સુખ ઈત્યાદિ મારા આત્મામાં અનંત અનંત ગુણોનો જે અસ્તિ સ્વભાવ છે તેની જ મને પરમ રૂચિ થઈ છે. તે ગુણો જ પ્રગટ કરવાની તમન્ના મને થઈ છે.
જેમ કોઈ મુસાફરને મુસાફરી કરતાં કરતાં દાગીનાની ભરપૂર ભરેલી પણ તાળુ મારેલી પેટી મળી જાય તો રાજી રાજી થઈ જાય એટલે પેટી ખોલાવવાના જ ઉપાયોમાં જલ્દી જલ્દી જોડાઈ જાય. તે મુસાફરને બીજુ કંઈ જ સૂઝે નહીં. પેટી ખોલાવીને અંદરના દાગીના લેવાનો જ ભાવ વૃદ્ધિ પામે.
તેવી જ રીતે હે પરમાત્મા ! મને પણ આપના શાસનથી જાણવા મળ્યું છે કે, મારો આ આત્મા અનંત અનંત ગુણોનો ખજાનો છે. મોહને વશ પુદ્ગલાનંદી બન્યો છે. પરંતુ પોતાના જ આત્મામાં પોતાની જ માલિકીવાળા અનંત ગુણોની સમૃદ્ધિ છે. શાસ્ત્રો દ્વારા આ વાત જાણીને તેના ઉપર મને પાકી રૂચિ થઈ છે. તે જ મેળવવા ભારે તમન્ના લાગી છે.
તેના જ કારણે સાંસારિક સર્વ પૌદ્ગલિક ભાવો કે જે મારૂં પોતાનું દ્રવ્ય નથી. મારૂં સ્વરૂપ નથી. ઉછિતા લાવેલા સગાં વહાલાંના
