________________
૧૭૮
શ્રી દેવચંદ્રજી કૃત ચોવીશી ભાગ : ૨ સ્વામી છે. તેમના ગુણોને બરાબર જાણીને આ પરમાત્મા ગુણોની ખાણ છે. આમ સમજીને જે જે શ્રોતાઓ આ અરિહંત પરમાત્માને ભજશે. સેવશે. તેમની આજ્ઞાપાલન આદિ સેવામાં જોડાશે તે જ મહાત્મા સમ્યગ્દર્શન નામનો પ્રાથમિક ગુણ પ્રાપ્ત કરશે. આ ગુણ આવ્યા વિના બીજા ગુણો કદાચ અંશે અંશે આવ્યા હોય તો પણ તે ગુણો ભવસમાપ્તિનું કારણ બનતા નથી તે માટે સમ્યકત્વ ગુણ સૌથી પ્રથમ આવશ્યક છે.
સમ્યકત્વ ગુણ આવવાથી જ જ્ઞાન તે સમ્યજ્ઞાન કહેવાય છે. તેના કારણે સમ્યક્ત્વ પ્રાપ્તિ કરવી સૌથી વધારે આવશ્યક છે. સમ્યક્ત્વ ગુણ આવવાથી વીતરાગ પરમાત્મા, તેમનું શાસન, તેમની નિશ્રા, આ સર્વ ભાવો ગમતા થઈ જાય છે અને આ જ વાતાવરણમાં રહેલો જીવ મોહદશાનો મૂળથી ક્ષય કરીને જ્ઞાન ચારિત્રની રમણતા દ્વારા ચારથી બાર ગુણસ્થાનકો પસાર કરીને તત્ત્વ એકાગ્રતારૂપ તપ અને આત્મ સામર્થ્ય ફોરવવા રૂપ વીર્ય ગુણ વિકસાવીને તેના ઉલ્લાથી તે તે ગુણોની પ્રાપ્તિ થવાના બળથી જ્ઞાનાવરણીયાદિ કર્મોને તોડીને સર્વથા નિરાવરણ થઈને સિદ્ધિદશાવાળા ધામમાં જઈને વસે છે. જ્યાં ફરીથી ક્યારે પણ સંસારમાં જન્મ-મરણ લેવા પડતા નથી. //પા
જગત વત્સલ મહાવીર જિનવર સુણી, ચિત્ત પ્રભુ ચરણને શરણ વાસ્યો | તારો બાપજી, બિરૂદ નિજ રાખવા,
દાસની સેવના રખે જોશો. || ૬ || ગાથાર્થ - ત્રણે લોકનું હિત કરનારા હોવાથી જગતવત્સલ એવા શ્રી મહાવીર પરમાત્મા છે. આ વાત સાંભળીને મારૂં ચિત્ત પણ આપના ચરણ કમળમાં નિવાસ કરીને રહ્યું છે. (પરંતુ આપની સર્વ આજ્ઞા પાળવાને માટે પામર એવો મારો આ આત્મા સમર્થ બન્યો
