________________
કળશ
૧૮૧
સિદ્ધ ભગવાન છે. તેઓશ્રીમાં વર્તતી જે નિર્મળતા છે તેવી નિર્મળતા મારામાં પણ પ્રગટ થાય.
ઉપરની વાતનો સારાંશ એ છે કે સ્યાદ્વાદયુક્ત સમ્યજ્ઞાન પ્રાપ્ત કરવાથી સાધકતા પ્રગટે, અને સાધકતા પ્રગટ થવાથી સિદ્ધતા પ્રગટ થાય. આ વાતનો આ જ સાર છે.
આ પ્રમાણે ચોવીસ સ્તવન થયાં. મારા પોતાના જાણપણા પ્રમાણે પરમાત્માના ગુણસમૂહની મેં સ્તવના કરી છે. તેમાં જે કંઈ યથાર્થ છે તે પ્રમાણ, અને છદ્મસ્થતાના કારણે જે કંઈ અયથાર્થ કહેવાઈ ગયું હોય તો તે બદલ મિચ્છામિ દુક્કડં, ગીતાર્થ આત્માઓએ ગુણો લેવા, દોષો ત્યજવા. મેં ભદ્રિકતાએ (ભદ્રિકભાવે) આ રચના કરી છે. મોટા મહાત્માઓએ ક્ષમા રાખી આ સ્તવનોમાંથી ગુણો
ગ્રહણ કરવા. |॥૨૪॥
॥ ચોવીસમા શ્રી મહાવીર પ્રભુનું સ્તવન સમાપ્ત થયું. ॥
કળશ
ચોવીસે જિન ગુણ ગાઈએ, ધ્યાઈએ તત્ત્વ સ્વરૂપો જી II પરમાનંદ પદ પાઈએ, અક્ષય જ્ઞાન અનૂપોજી ॥
અર્થ :- શ્રી ઋષભદેવથી માંડીને મહાવીરસ્વામી પર્યન્ત અવસર્પિણી કાલે શાસનના નાયક, ગુણરત્નાકર, મહામાહણ, મહાગોપ, મહાવૈદ્ય, એહવા ચોવીશ તીર્થંકર પ્રભુ થયા. તેહને ગાઈયેં કેતાં ગુણગ્રામ કરીયે. અને પોતાના તત્ત્વસ્વરૂપને ધ્યાયીયે. તેહના ધ્યાને તત્ત્વની એકાગ્રતા પામીયે. તેહથી પરમાનંદ અવિનાશીપદ પામીજે. વલી અક્ષય, અવિનાશી, એહવું ક્ષાયિકજ્ઞાન તે અનૂપમ અદ્ભૂત કેવલજ્ઞાન પ્રાપ્ત કરીએ.
