________________
શ્રી નમિનાથ પરમાત્માનું સ્તવન
૧૪૩ આત્માના ગુણોનું ક્ષાયિકભાવે પ્રકટીકરણ કરવું એ રૂપી સાધ્યને મનમાં બરાબર સ્થાપીને તેના ઉપાયરૂપે સાધનભાવનો સ્વીકાર કર્યો સાધનભાવે ગુણોની સાધના ચાલુ કરી તથા ક્ષાયોપથમિક ભાવના ગુણો ક્ષાયિકભાવના ગુણો મેળવવામાં સાધનરૂપ બન્યા. કારણરૂપ થયા.
મહાવ્રતોને પાલવાની પરિણતિ રૂપે સાધનભાવ પ્રગટ કર્યો તેના દ્વારા ક્ષાયિકભાવના ગુણો જેવા કે કેવલજ્ઞાન કેવલદર્શન યથાખ્યાત ચારિત્ર વિગેરે ગુણો પ્રગટ થયા. છઠ્ઠા–સાતમા ગુણસ્થાનકથી સાધના વધતાં વધતાં તેરમા ગુણસ્થાનકે સાધનાની સમાપ્તિ થઈ.
પોતાના સત્તાગત અનંત ગુણોની પ્રગટતા કરવારૂપ ધાન્ય ઉત્પન્ન થયું. અર્થાત્ આત્મગુણોની પ્રગટતા રૂપ પુષ્કળ ધાન્ય નીપજયું. જે આત્મા જિનેશ્વર પ્રભુની સેવામાં જોડાયો હતો તે જ આત્મા આ રીતે આત્મભાવમાં વિકાસ પામીને કેવલજ્ઞાની કેવલદર્શની સર્વજ્ઞ વીતરાગ બન્યો.
ખેતરમાં જેમ ધાન્ય નીપજે તેમ આ આત્મામાં ગુણો પ્રગટ થયા. સ્વગુણની જે અનંતતા તે રૂપી પુષ્કળ ધાન્ય પાક્યું. હવે કોઈપણ જાતની ચિંતા વિના ભયમુક્ત થઈને તે ધાન્યને પોતાને ઘેર લઈ જવાનું અને તેનો ઉપભોગ કરવાનું જ બાકી રહ્યું. તેમ પ્રગટ થયેલા આ અનંત ગુણોને ભોગવવાનો, તે ગુણોમાં જ રમવાનો અને અનંત આનંદ અનુભવવાનો આ અવસર આવ્યો. જે અનંતકાલ સુધી આ રહેશે. આ આનંદ ક્યારે ય જશે તો નહીં પણ હાનિ પણ પામશે નહીં. - ૬ . પ્રભુ દરિસણ મહા મેઘ, તણે પ્રવેશ મેં રે, તણે પ્રવેશ મે રે ! પરમાનંદ સુભિક્ષ થયો, મુઝ દેશમેં રે, મુઝ દેશ મેં રે ! દેવચંદ્ર જિનચંદ્ર, તણો અનુભવ કરો રે, તણો અનુભવ કરો II
સાદિ અનંતો કાલ, આતમસુખ અનુસરો રે, આતમસુખ અનુસરો રે II II
