________________
શ્રી નમિનાથ પરમાત્માનું સ્તવન
૧૪૧ ગાથાર્થ :- ચાતક પક્ષી તુલ્ય શ્રમણવર્ગનો સમૂહ જલધારા વરસતાં પારણું કરે અનુભવ રસનું આસ્વાદન લઈને સર્વ દુઃખોનુ વિરમણ કરે છે આ મેઘધારા વરસતાં અશુભ આચારોનું નિવારણ થવા સ્વરૂપ તૃણના અંકુશ પ્રગટ થાય છે. તથા દેશવિરતિ અને સર્વવિરતિના પરિણામ થવા રૂપ મુક્તિબીજની વાવણી થાય છે. || ૫ ||
વિવેચન - પરમાત્માની સેવા રૂપ જલધારા વરસતાં તત્ત્વમાં જ રમણતા કરનારા શ્રમણ નિર્ચસ્થ મહામુનિઓ જે છે તે રૂપી ચાતક પક્ષી ઘણા જ આનંદમાં આવી જાય છે અને તેને વરસાદની ધારા મળે તેમ શ્રમણનિન્થોને પરમાત્માની સેવા મળવાથી પારણું કરે છે. સમ્યગ્દર્શન પ્રાપ્ત કર્યું ત્યારે પોતાના આત્માની આત્મદશા પ્રાપ્ત કરવાની જોરદાર પિપાસા થઈ હતી. તે જ પિપાસા જિનભક્તિ કરવા રૂપ કારણ પ્રાપ્ત કરીને આત્મસ્વરૂપનું યથાર્થજ્ઞાન મેળવવા રૂપ અનુભવ કરવા દ્વારા તત્ત્વરસનું આસ્વાદન કરીને તે ગુણોને અનુભવવા રૂપે તે જીવ પારણું કરે છે. અર્થાત્ પિપાસા હતી. તે પુરી થઈ હવે આ જીવ તત્ત્વરસના આસ્વાદનમાં જ જોડાઈ જાય છે. બીજો કોઈ રસ તેને ગમતો નથી.
* પ્રભુજીની ભક્તિ કરવા સ્વરૂપ કારણમાં જોડાવાપણાનું જે કામ છે તે સાંસારિક સકલ વિભાવદશા સ્વરૂપ જે આઠ પ્રકારના કર્મોનો ભાર છે. કર્મોની તીવ્રતા છે તેને રોકનાર છે. તેથી કર્મોની તીવ્રતાનું વારણ થવાથી દુઃખનું નિવારણ થાય છે.
આ પ્રમાણે પ્રભુજીની સેવા સ્વરૂપ મેઘ વરસતાં અનુભવરસનો આસ્વાદ મળે છે તેનાથી ચાતક તુલ્ય પ્રાણીઓને પારણું થાય છે કર્મોના ભારની તીવ્રતા દૂર થાય છે તેનાથી દુઃખનું નિવારણ થાય છે.
