________________
૧૬૭
શ્રી પાર્શ્વનાથ પરમાત્માનું સ્તવન
ભવભ્રમણાની ભીડ મટી એ કાર્યોપચારી વચન છે જેમ એક ગામથી બીજેગામ જતાં બીજુ ગામ દૂરથી દેખાવા લાગે ત્યારે હજુ ત્યાં પહોંચવામાં ટાઈમ લાગે તેમ છે. તો પણ ઉપચાર કરીને આમ કહેવાય છે કે હવે આપણું ગામ આવી ગયું. આ જેમ ભાવિનો ભૂતવદ્ ઉપચાર છે તેમ પરમાત્મા મળ્યા ત્યારે જ ભવભ્રમણા અટકી નથી ગઈ. પરંતુ થોડા જ કાળમાં અવશ્ય અટકવાની જ છે તે માટે આ ઉપચાર વાક્ય છે કે હવે મારી ભવભ્રમણાની ભીડ મટી જ ગઈ. આમ ભાવના ભાવવી.
જો પરમાત્માની પ્રભુતા ઇષ્ટ લાગે છે હૃદયથી ગમે છે. તો આ સાધક આત્મા પણ અવશ્ય સિદ્ધતા પામશે જ. || ૬ ||
નગર ખંભાયતેં પાર્શ્વપ્રભુ દર્શન, વિકસતે હર્ષ ઉત્સાહ વાધ્યો ! હેતુ એકત્તા રમણ પરિણામથી,
સિદ્ધિ સાધકપણો આજ સાધ્યો || ૭ || ગાથાર્થઃ- ગ્રંથકર્તા શ્રી દેવચંદ્રજી મહારાજશ્રી કહે છે કે ખંભાત નામના નગરમાં પાર્શ્વનાથ પ્રભુનાં દર્શન કરતાં મારા રોમે રોમ પુલકિત થયાં મારા આત્મામાં અપૂર્વ હર્ષ અને ઉત્સાહ વૃદ્ધિ પામ્યો. તથા મોક્ષના કારણભૂત શ્રી અરિહંત પ્રભુના સ્વરૂપની સાથે એકતા થવાથી આત્મામાં સાઘક્તાની રમણતા પ્રાપ્ત થઈ. તેથી મારો આ આત્મા આત્મસિદ્ધિની સાધકતાને પામ્યો એવું હું અનુમાન કરૂં છું. // ૭ |
વિવેચનઃ- પરમાત્માની સાથે અતિશય એકાકારતાવાળા અપૂર્વ અધ્યવસાયો સ્તવનકર્તાને ખંભાત નામના નગરમાં શ્રી સુખસાગર એવા પાર્શ્વનાથ પ્રભુનાં દર્શન કરતાં આવ્યા. તેનાથી પરમાત્મા ઉપર ઘણો રાગ પ્રગટ થયો. એવા અપૂર્વ હર્ષવાળા પરિણામ થવાથી ગાથામાં “ખંભાત” શહેરનું નામ નાખ્યું છે.
