________________
શ્રી પાર્શ્વનાથ પરમાત્માનું સ્તવન
શુદ્ધતા પ્રભુ તણી આત્મભાવે રમે, પરમ પરમાત્મતા તાસ થાએ I મિશ્રભાવે અછે ત્રિગુણની ભિન્નતા, ત્રિગુણ એકત્વ તુજ ચરણ આએ પા
૧૬૩
:
ગાથાર્થ ઃ- પોતાના આત્મભાવમાં જ રમણતા કરવા રૂપ પ્રભુની જે શુદ્ધતા છે તે ગુણથી જ પરમાત્મામાં પરમાત્મતા પ્રગટ થાય છે. ક્ષાયોપશમિકભાવ હોય ત્યારે ત્રણે ગુણોની ભિન્નતા હોય છે જ્યારે ક્ષાયિકભાવ આવે ત્યારે કેવલી અવસ્થામાં ત્રણે ગુણોની સંપૂર્ણપણે એકતા આવે છે એટલે કે તમારા ચરણે આવે ત્યારે જ અભેદ રત્નત્રયી પ્રગટ થાય છે. | ૫ ||
વિવેચન :- આવા પ્રકારની ક્ષાયિકભાવની શુદ્ધતા, તત્ત્વતા, સંપૂર્ણપણે નિરાવરણતા, તથા અનંત ચતુષ્ટના ભોગીપણાની જે પ્રભુતા છે તે સર્વે ગુણો પોતાનો આત્મા જ્યારે માત્ર આત્મભાવમાં જ રમનારો બને છે ત્યારે જ આવે છે સર્વથા વિભાવદશા દૂર થાય છે. ત્યારે જ પોતાના આત્માની શુદ્ધતા-પ્રભુતા પ્રગટે છે.
પરમાત્માની જે પ્રભુતા છે. તેનો સંગી આ જીવ જ્યારે બને છે ત્યારે પોતાનું પરમ ઉત્કૃષ્ટ શુદ્ધ પરમાત્માપણું પ્રગટ કરે છે.
મિશ્રભાવે એટલે કે ક્ષાયોપશમિકભાવે જ્યારે આ ત્રણ ગુણો સમ્યગ્દર્શન, સમ્યજ્ઞાન અને સમ્યક્ચારિત્ર આ ત્રણ ગુણો જીવમાં પ્રવર્તતા હોય છે. ત્યારે ત્રણે ગુણોની ભિન્નતા હોય છે. શ્રદ્ધા તે દર્શનગુણ, જાણપણું તે જ્ઞાનગુણ અને હેય ઉપાદેયના વિવેકપૂર્વકનું જે આચરણ તે ચારિત્રગુણ એમ ભેદરત્નત્રયીવાળો આ કાળ છે અને તે ચોથા ગુણસ્થાનકથી બારમા ગુણસ્થાનક સુધી હોય છે.
