________________
શ્રી દેવચંદ્રજી કૃત ચોવીશી ભાગ : ૨
હવેથી મને મારો મૂલધર્મ (આત્મતત્ત્વનું સ્વરૂપ) શ્રદ્ધાગોચર થયું છે તેથી આ સ્વરૂપ પ્રાપ્ત કરવું જ છે એવો નિર્ધાર મેં કર્યો છે તેથી તેને અનુસરનારી મારી ચેતનાને અને મારી વીર્યશક્તિને તે તરફ વાળીને સ્વસ્વરૂપ પ્રગટ કરવાનો નિર્ધાર કરીને તે માર્ગે મારા કર્તૃત્વને મેં વાળ્યું છે આ રીતે સાધના કરતાં મારામાં સિદ્ધતાનું કાર્ય
નીપજશે.
૯૦
ત્યાં સૌથી પ્રથમ સ્વસ્વરૂપનો અંશે અંશે ક્ષયોપશમભાવે આ આત્મા કર્તા થાય. તેનાથી આત્મામાં ગુણોની વૃદ્ધિ થાય. એમ કરતાં સંપૂર્ણ કર્તાપણું પામીને આ આત્મામાં તે ગુણવૃદ્ધિ કાર્ય નીપજાવે. આ રીતે મારા આત્મામાં કર્તાપણું છે. અને મારે જ સિદ્ધતારૂપ કાર્ય કરવાનું છે.
તે સિદ્ધતા સ્વરૂપ કાર્ય કરવામાં ઉપાદાન કારણતા આ પ્રમાણે છે પોતાના જ આત્મામાં સત્તાગત જ્ઞાન, દર્શન, ચારિત્ર, વીર્ય આદિ અનંતગુણો છે. મારા પોતાના આત્મામાં જે આ સત્તાગત અનંતગુણોનું સ્વરૂપ છે તે મારા આત્મામાં જ સિદ્ધિરૂપે પ્રગટ થાય છે. માટે તે મારો આત્મા જ તેમાં ઉપાદાન કારણ છે. આમ સમજવું.
ઉપાદાન તે વસ્તુનો મૂલ સત્તાગત ધર્મ, અરૂપી એવી ગુણોની સત્તા જે છે. તે જ પ્રગટ થાય એટલે કે સિદ્ધ થાય છે ત્યારે સિદ્ધતા રૂપ કાર્ય થાય છે. તેમાં આ માર્ગે ચઢેલો આત્મા જ ઉપાદાનકારણ છે આમ સમજવું. ॥ ૯ ॥
યોગ સમાધિવિધાન, અસાધારણ તેહ વદે રી | વિધિ આચરણા ભક્તિ, જિન્હેં નિજ કાર્ય સઘેરી ||૧૦||
ગાથાર્થ ઃ- મન-વચન-કાયાના યોગોનું સ્વગુણમાં રમણ થવું. અરાગી અને અદ્વેષીપણે ગુણરમણતામાં પ્રવર્તવું, તેના વિવિધપ્રકારો જેમ કે વિધિપૂર્વક આચરણા આચરવી, જિનેશ્વર પરમાત્માની ભક્તિ
