________________
શ્રી મલ્લિનાથ પરમાત્માનું સ્તવન
૧૦૩ તથા દ્રવ્યયોગ સાધવા સ્વરૂપ અરિહંત પરમાત્મા આદિનું આલંબન લેવું. તથા યથાર્થ આગમશ્રવણ કરવું. યથાયોગ્ય સદ્ગુરુની ઉપાસના કરવી તે નિમિત્તકારણ જાણવું. આત્મકલ્યાણની પ્રાપ્તિ કરવા રૂપ કાર્ય કરવા પણે આ આત્માનો ઉપયોગ કરવો. આત્માને તે કાર્યમાં જોડવો તે ઉત્કૃષ્ટ કારણ છે તેથી તેને કરણકારક કહેવાય છે. આત્મતત્ત્વની સિદ્ધિ કરવા રૂપ કાર્ય કરવામાં ઉત્કૃષ્ટ કારણ આત્મશક્તિ તથા સ્વરૂપાનુયાયી વીર્યપ્રવર્તન, તથા શુદ્ધ દેવ ગુરુ અને ધર્મનું શરણ આ સઘળાં કરણ નામનાં કારક જાણવાં.
(૪) આત્માની જે ગુણસંપદા છે અનંતજ્ઞાનપર્યાય, અનંતદર્શન પર્યાય, અનંતચારિત્રપર્યાય, તે ગુણોની સંપત્તિનું આત્માને દાન કરવું. એટલે કે આત્મામાં ઢંકાયેલા જે ગુણો છે. તેને પ્રગટ કરવા અને પ્રગટ કરીને તે આ આત્માને જ આપવાના. કારણ કે ગુણો તો ગુણીમાં જ રહે, બહાર ન રહે માટે આત્માને ગુણોનું જે દાન કરવું તેથી આ આત્મા જ સંપ્રદાનકારક કહેવાય છે.
આ વિષયમાં દાતા આત્મા જ છે તથા પાત્ર એટલે દાન લેનાર પણ આત્મા જ છે. તથા દેય એટલે આપવા યોગ્ય પણ આત્મસ્વરૂપ તે પણ આત્મા જ છે. આમ દાતા પાત્રતા અને દેય આ ત્રણે તત્ત્વોની અભેદતા છે.
સારાંશ કે ગુણોનું પ્રગટ કરવું તે દેય, તથા દાતા એવો આત્મા જ દેય એવા ગુણોને પ્રગટ કરે છે અને ગુણોને પ્રગટ કરીને પાત્ર એવા આ આત્માને જ તે ગુણો આપે છે આમ દાતાપણું ગ્રાહકપણું અને દેયપણું આ ત્રણેનો અભેદ છે અને તે આત્મા જ છે. || ૨ || રવાર વિવેચન કરણ, તેહ અપાદાનથી રે, તેહ અપાદાનથી રે ! સકલપર્યાય આધાર, સંબંધ આસ્થાનથી રે, સંબંધ આસ્થાનથી રે
