________________
શ્રી દેવચંદ્રજી કૃત ચોવીશી ભાગ : ૨
તથા મેઘપટલમાં વિજળની ઝબકારા ઘણા હોય છે તેવી જ રીતે અહીં પ્રભુસેવા કરતાં કરતાં આપણા આત્માની પરિણતિ ઘણી શુદ્ધ બને છે પરિણતિ શુદ્ધ થાય એટલે સાધક એવો આ આત્મા ઇન્દ્રિયોનો વધારે કંટ્રોલ કરે છે. તપ અને જ્ઞાન ધ્યાનમાં આગળ વધે છે તથા ગુણવાળા મહાત્મા પુરુષોની તથા શુદ્ધતત્ત્વનું આલંબન લેનારા ગીતાર્થોની સેવામાં આ આત્મા જોડાય છે તે સઘળુંય અનુકરણ આ જીવનમાં વિજળીના ચમકારા જેવું પ્રગટે છે. ઉત્તમ આલંબનોનું સેવન એ વિજળીના ચમકારા જેવું છે. ॥ ૧ ॥
૧૩૬
વાજે વાયુ સુવાયુ, તે પાવન ભાવનારે, તે પાવન ભાવના રે II ઇન્દ્રધનુષ્ય ત્રિકયોગ, તે ભક્તિ એક મના રે,
તે ભક્તિ એક મના રે |
નિર્મલ પ્રભુ સ્તવઘોષ, ધ્વનિ ઘન ગર્જના રે,
ધ્વનિ ઘન ગર્જના રે II તૃષ્ણા ગ્રીષ્મકાલ, તાપની તર્જના રે, તાપની તર્જના રે ॥ ૨ ॥ ગાથાર્થ :- મેઘઘટામાં જેમ વાયુ અનુકુળ વાય તે સુવાયુ હોય, તેવી જ રીતે પરમાત્માની ભક્તિ કરતાં પરમ પવિત્ર જે ભાવના પ્રગટે તે સુવાયુ જાણવો. મન-વચન-કાયાના એમ ત્રણે યોગો ભગવાનની ભક્તિમાં જે એકમેક થયા છે તે ઇન્દ્રધનુષ્યની ત્રણ રેખા જાણવી. નિર્મળ એવા પરમાત્માનું સ્તવન ગાવા રૂપ જે સ્પષ્ટ અવાજ છે તે ધનગર્જરા જાણવી. તેનાથી તૃષ્ણારૂપી ગ્રીષ્મકાળના તાપની તર્જના થાય છે. II૨ા
વિવેચનઃ- સ્તવન બનાવનાર કવિરાજ મેઘઘટામાં બધી ઉપમાઓ ઘટાવે છે. જ્યારે આકાશમાં ઘણી મેઘઘટા ગટાટોપ ચડી આવી હોય ત્યારે પવન તેને અનુકૂળ વાતો હોય છે કે જેથી મેઘઘટા વિખેરાઈ ન જાય. પરંતુ સારો વરસાદ આવે. તેવી જ રીતે જિનેશ્વર પરમાત્માની
